RSSУ Валодзьках утапіўся п’яны пенсіянер
Маладзечна, Aўтар: Сяргей ЗЯНЬКО, 11.12.2009. 16:53
У вадаёме ў вёсцы Валодзькі Радашкавіцкага сельсавета ў сераду, 9 снежня, знайшлі цела 72-гадовага пенсіянера. Падчас анатаміравання трупа ў крыві эксперты выявілі больш за 5 праміле алкаголю.
Памочнік пракурора Маладзечанскага раёна Аляксандр Васюта выязджаў на месца здарэння. У інтэрв’ю “РГ” ён расказаў: пенсіянер знік тры дні таму. На целе памерлага цялесных пашкоджанняў не знайшлі, таму крымінальны след гібелі выключаецца. Згодна з заключэннем медсудэкспертызы, дзядуля памёр ад патаплення.
Па словах дзяржаўнага медыцынскага судовага эксперта Аляксея Гіля, смерць чалавека можа наступіць пры наяўнасці ў крыві 3,5 праміле алкаголю. Гэта адпавядае прыкладна 0,6 літра 40-градуснай гарэлкі, прынятай за адзін раз. Можна меркаваць, што выпітае пенсіянерам адпавядае прыкладна паўтара літра гарэлкі. І ўсё ж прычына смерці – не гарэлка. Патапленне…
Сяргей ЗЯНЬКО.
Паслаць камэнтар