RSSЗлодзей любіць каву і шакалад
Вілейка, Aўтар: Сяргей ЗЯНЬКО, 2.02.2010. 10:30
Вясковую краму ў вёсцы Цярэшкі Касцяневіцкага сельсавета абакраў невядомы злачынца ў ноч на 28 студзеня.
Начальнік аддзялення інфармацыі і грамадскіх сувязяў абласной міліцыі Аляксандр Шункевіч паведаміў “РГ”: злачынца абясточыў сігналізацыю, сарваў навясныя замкі на дзвярах і зайшоў у магазін. З крамы вынес цыгарэты, каву, шакалад і 60 тысяч рублёў выручкі. Агульная нанесеная шкода склала 600 тысяч рублёў. Узбуджаная крымінальная справа.
Сяргей ЗЯНЬКО.
Каментары
Дзьмухавец
(3.02.2010 18:58)
Чаму вы вырашылі, што злодзей любіць каву і шакалад. Ён жа ўкраў яшчэ і цыгарэты. Для сябе. Каву панёс жонцы, а шакалад -- дзецям.
Сяргей Зянько
(3.02.2010 22:18)
Прывітанне, Дзьмухавец! Я па вашых трапных заўвагах нават паспеў засумаваць.(:-( Ваша версія мае права на існаванне. Зрэшты, як, напрыклад, і наступная: жонка з дзецьмі сілай забралі каву з цыгарэтамі, а сам няшчасны злодзей вымушаны быў давіцца шакаладам. (;-)
Дзьмухавец
(4.02.2010 10:40)
Дазвольце з Вамі паспрачацца, пан Сяргей! Якая ж гэта жонка, ды яшчэ з дзецьмі, забярэ ў свайго мужа каву з цыгарэтамі. Напэўна -- гэта была сужытніца. Злая і сквапная. Дарэчы, калі меркаваць па Вашых матэрыялах, што на старонцы "Вакол здарэння", то большасць мужчын менавіта з такімі і жывуць.
Паслаць камэнтар