RSSКрадзеж бычкоў раскрыты
Вілейка, Aўтар: Cяргей Зянько, 4.02.2010. 17:31
Міліцыя раскрыла крадзеж чатырох бычкоў з малочнатаварнай фермы сельгаскааператыва “Нарачанскія зоры” ў вёсцы Касічы, які адбыўся ў перыяд ад 25 па 28 студзеня.
Намеснік начальніка райаддзела ўнутраных спраў Андрэй Дударчык паведаміў “РГ”: крымінальная справа па крадзяжы 3 лютага перакваліфікаваная з фармулёўкі “крадзеж” у фармулёўку “крадзеж групай асобаў”.
У здзяйсненні злачынства праваахоўнікі падазраюць некалькіх мясцовых жыхароў. Па папярэдніх дадзеных, бычкоў з фермы яны вывелі, пасля зарэзалі, тушы разабралі. Гэта пакуль уся інфармацыя, агучаная міліцыяй. Вядзецца следства. “РГ” будзе сачыць за развіццём падзей.
Сяргей ЗЯНЬКО.
Паслаць камэнтар