RSS“Вясёлая” кампанія рабаўнікоў
Маладзечна, Aўтар: Сяргей ЗЯНЬКО, 5.02.2010. 11:54
Вечарам 31 студзеня ў міліцыю звярнуўся 41-гадовы маладзечанец і заявіў, што яго ва ўласнай кватэры абрабавалі трое невядомых.
Пацярпелы сцвярджаў: зламыснікі пастукалі ў дзверы, і ён ім адкрыў. Налётчыкі сілай забралі тры блокі цыгарэт, 12 тысяч рублёў і банкаўскую картку. Начальнік аддзялення інфармацыі абласной міліцыі Аляксандр Шункевіч паведаміў “РГ”, што было не зусім так. Опергрупа ўстанавіла, што зламыснікі былі ў гасцях пацярпелага.
Кампанія сабралася адмысловая: 30-гадовая жанчына, судзімая за пакіданне ў небяспецы і ўхіленне ад утрымання дзяцей, яе знаёмая 22-гадовая жыхарка вёскі Мількаўшчына Валожынскага раёна. А таксама два мужчыны - 24-гадовы маладзечанец, судзімы за грабяжы і крадзяжы, і 25-гадовы маладзечанец, судзімы за грабеж, хуліганства і незаконны абарот наркотыкаў.
Уся кампанія затрыманая, скрадзенае канфіскаванае. Крымінальная справа ўзбуджаная па артыкуле “Грабеж групай асобаў”.
Сяргей Зянько.
Паслаць камэнтар