Сфарміраваныя выбарчыя камісіі

Рэгіён, Aўтар: Святлана ЦІШКО, 2.02.2010. 10:44

Друкаваць Камэнтары (3) Пераслаць на э-адрас

Напрыканцы студзеня ва ўсіх раёнах нашага рэгіёну былі сфарміраваныя камісіі па выбарах дэпутатаў мясцовых Саветаў дэпутатаў.

У іх увайшлі прадстаўнікі грамадскіх аб'яднанняў і палітычных партый, некаторыя члены камісій былі вылучаныя ад грамадзянаў шляхам падачы заяў.

Ад 14 лютага да 15 сакавіка кандыдатаў у дэпутаты могуць вылучаць палітычныя партыі, працоўныя калектывы і грамадзяне шляхам збору подпісаў. Паводле каляндарнага плана, рэгістрацыя кандыдатаў павінна пачацца 16 сакавіка, а завяршыцца - 25 сакавіка.

Указам прэзідэнта Беларусі выбары дэпутатаў мясцовых Саветаў дэпутатаў 26 склікання прызначаныя на 25 красавіка гэтага года.

Святлана ЦІШКО.

Каментары

Дэсідэнт

(4.02.2010 00:18)

А мяне ў дэпутаты бацька не пускае. Я хацеў балатавацца, а ён і кажа: "Ідзі, сынок, у дэпутаты. Але, як пойдзеш, дык -- адразу вон з хаты". Я лысіну пачухаў і падумаў: хто ведае, як яно там будзе, у тых дэпутатах? А, тут, ля бацькі, і пры даху над галавой, і пры кавалку хлеба, і пры справе. Не буду я, мусіць, хлапцы, сёлета балатавацца. Хай яго халера. Выбачайце. Хіба што як-небудзь іншым разам. Можа, калі-небудзь і бацька падабрэе ды дазволіць А так -- дык не.

Дзядзька Міхась

(4.02.2010 11:08)

Бацька твой то можа й мудры, Але нейкі крыху нудны. Яго слухай -- розум май! Лесь да ўлады, не зявай!

Дэсідэнт

(13.02.2010 01:02)

Добра табе казаць, Дзядзька Міхась: лезь да ўлады... А хіба дэпутат -- дык улада? Для мяне ўлада -- жанчына з шуфлем, якая выйшла на работу ў 5 гадзін раніцы. І да 7 гадзін, калі пачынаюць выходзіць людзі на работу, пачысціла ад снегу ганкі і дарожкі да прыпынку аўтобуса ад чатырох шматкватэрных дзевяціпавярховак... Я ведаю адну такую жанчыну. Спытаўся: ці не хочаце быць дэпутатам? Яна сказала, што няма калі. Снегу сёлета наваліла. Чысціць трэба...