Апытанне маладзечанцаў

Яўген Курэц, студэнт:

- Я лічу, што Беларусь трэба бараніць ад карупцыі. Дзяржава павінна скласці пэўную сістэму па барацьбе з ёй, бо карупцыя наносіць шкоду эканоміцы. Тым больш, у перыяд крызісу.

Сяргей Шабуня, студэнт:

- Нашу Радзіму трэба абараняць ад каларадскіх жукоў, якія аб'ядаюць бульбоўнік на нашых выдатныя бульбяных палях. Бо менавіта дзякуючы гэтым палям Беларусь яшчэ квітнее.

Святлана Дурко, медсястра:

- На мой погляд, зараз нашу краіну трэба абараняць ад розных небяспечных захворванняў, якія пагражаюць нашаму здароўю, тым больш, што зараз у Беларусі стала вельмі шмат хворых людзей.

Алег Дурко, ахоўнік:

- Мне здаецца, што нашу краіну трэба абараняць ад тэрарыстаў, каб кожны чалавек, які жыве ў нас - ад малога да вялікага, - мог спакойна засынаць па начах, а раніцай, не баючыся, выходзіць на вуліцу.

Анжаліка Пажыгайла, прадавец:

- У мяне дзіця вучыцца ў ваенна-патрыятычным класе. Я лічу, што ў дадзены момант у краіне ўсё ціха і спакойна. Але нам не трэба пра гэта думаць, бо аб гэтым павінна клапаціцца дзяржава. Я абараняю свой дом і сваю сям'ю.

Кацярына Чавялёва, у дэкрэтным адпачынку:

- На дварэ не за гарамі вясна, і трэба абараняць ад прыродных катаклізмаў. Набліжаецца раставанне снегу, і я спадзяюся, што мы будзем да гэтага гатовыя.

Гутарыла Ксюша ГРАМАЦІНА, моладзевая рэдакцыя “РГ”.