Якую музыку вы слухаеце?

Яўген Мацкель, старшакласнік:

– Галоўным чынам слухаю музыку ў накірунку Rap, RnB. Сярод такой музыкі я знайшоў некалькі любых для сябе выканаўцаў. Яны блізкія мне. Гэта – 50 Cent, Eminem, DMX.

Максім Міхайлаў, выкладчык англійскай мовы:

– У мяне няма адмысловых крытэраў, слухаю ўсё: ад класікі да DnB (Drum and Bass). У дадзены момант захапляюся выканаўцам Krec.

Валерыя Сураўцава, старшакласніца:

– Я наогул не ўяўляю сваё жыццё без музыкі! З ёй я ўстаю, засынаю… Іду з музыкай па жыцці. Аддаю перавагу цяжкай музыцы. А цяпер слухаю: 8-Bit, Hardcore, Chaotic Metalcore, Christian, Death Metal, Deathcore, Electronic, Experimental і іншае.

Раман Басалай, старшакласнік:

– Слухаю ўсё: rap, reggy, rock. Але ў апошні час пад уплывам серыяла «Звышнатуральнае» “перасеў” на рок 1970-х гадоў.

Валянціна Конан, выкладчыца беларускай мовы:

– Я ў музыцы непераборлівая. Слухаю як класічную музыку, так і шансон. У шансоне, дарэчы, знайшла для сябе цікавага выканаўцу – Стаса Міхайлава. Часам люблю паслухаць і папулярную музыку.

Анастасія Грыгулевіч, старшакласніца:

– Аддаю перавагу лёгкай, меладычнай музыцы. Люблю рэгі. А калі мне дрэнна, магу паслухаць і што-небудзь цяжкае. Дарэчы, апошнім часам слухаю Hollywood Undead.

Гутарыла Лера СУРАЎЦАВА, моладзевая рэдакцыя “РГ”.