Тыдзень нямецкай мовы ў гімназіі

Ну а выпускнікі, калі мы ўжо загаварылі пра іх, сустрэліся на брэйн-рынгу “Што? Дзе? Калі?”. Пяць камандаў з 11 класаў паказалі свае веды па гісторыі і культуры германскай нацыі.

Па правілах гульні, з чатырох адказаў правільным быў толькі адзін, але паспрабуйце за лічаныя хвіліны ўспомніць, напрыклад, што знаходзіцца на выяве герба Берліна, у якім горадзе нарадзіўся славуты філосаф Кант або калі і дзе славуты друкар Гутэнберг выдаў першую кнігу?

Стараліся не адставаць ад выпускнікоў і шасцікласнікі. Яны дэманстравалі свой інтэлект на гульнявых станцыях, дзе суддзямі былі іх старэйшыя сябры.

Апафеозам тыдня стала своеасаблівае тэатралізаванае папуры. Вучні ад 5 па 11 класы прадстаўлялі інсцэніраваныя паста­ноўкі па творах класікаў і сучасных нямецкіх пісьменнікаў.

Мы вы­бралі “Папялушку”. Некаторыя мужчынскія ролі ігралі дзяўчаты, але ім не прывыкаць. Усё вельмі проста – у нашым гуманітарным 11 “Б” адны дзяўчаты.

Дарэчы, амаль усе касцюмы юныя тэатралы майстравалі самі, самі ж прыдумвалі падчас рэпетыцый і розныя эксперыменты-экспромты.

Гледачы аднолькава шчыра падтрымлівалі ўсе выступленні. У выніку перамагла дружба.

А яшчэ перамагаюць веды. Штогод прадстаўнікі гімназіі №10 паказваюць добрыя вынікі на алімпіядах усіх узроўняў па нямецкай мове, актыўна супрацоўнічаюць з інстытутам Гётэ ў Мінску, не першы год падтрымліваюць сувязі з гімназіяй Шэльцтор з горада-партнёра Эслінгена.

Восенню гэтага года група з 22 вучняў нашай школы адправіцца да замежных сяброў у госці з чарговым візітам. І тыдзень нямецкай мовы стаў добрай рэпетыцыяй для ўсіх дзяцей – многія праверылі свае веды перад тэставаннем, іншыя – перад паездкай. А значыць, стымул добра ведаць мову і культуру сваіх суседзяў ёсць заўсёды.

Святлана МАРХЕЛАВА,

вучаніца 11 класа гімназіі №10 Маладзечна.