На вуліцы Заазёрная ў нядзелю, 25 сакавіка, аўтамабіль “Опель Зафіра” збіў 33-гадовую жанчыну. Ад атрыманых траўмаў пацярпелая памерла ў бальніцы.

Паводле паведамлення прэс-службы міліцыі Мінскай вобласці, здарэнне адбылося каля 17 гадзін 45 хвілін. За рулём “Опеля” была 38-гадовая жыхарка Мядзела. Жанчына не справілася з кіраваннем, з’ехала на правую абочыну і збіла пешаходку. Пацярпелую адвезлі ў бальніцу, дзе ў 18 гадзін 30 хвілін яна памерла.

Па словах пракурора Мядзельскага раёна Анатоля Івашкевіча, кіроўца іншамаркі была нецвярозая. Яна змешчаная ў ізалятар часовага ўтрымання. Райаддзел следчага камітэта ўзбудзіў крымінальную справу па другой частцы 317 артыкула – “Парушэнне правілаў дарожнага руху, якое прывяло па неасцярожнасці да смерці чалавека”.

Сяргей ЗЯНЬКО.