Пра гэта карэспандэнтрам «Рэгіянальнай газеты» распавёў маладзечанец, мастак Святаслаў Палівода, які жыве побач з месцам раскопак.
– Заўважыў, што пару дзён ужо працуе маленькі экскаватар проста на цвінтары. Падышоў да вайскоўцаў, што там працуюць, распытаўся, – кажа Святаслаў.

Тыя расказалі, што на царкоўным двары, згодна са знойдзенымі дакументамі, – пахаванне часоў Другой сусветнай вайны. Ад 1941 да 1944 года тут пахавалі 210 нямецкіх салдат. Цяпер іх парэшткі збяруць і прерапахаваюць у нейкім спецыяльным месцы. На Міншчыне такіх два.

– Я сам з 1945 года, – кажа Святаслаў Палівода. – Дзіцем часта гуляў на гэтым месцы. А дарослыя казалі: “Не гуляй, бо зараз вылезе немец і схопіць за нагу”. Як бачыце, пра пахававанні людзі ведалі заўсёды.