Фота tvkultura.ru.

Адкрыты абласны фестываль духавой музыкі 24-27 мая сёлета прыме Вілейка.

Фестываль ладзяць раз на тры гады. У Вілейцы выступяць аркестры Міншчыны, а таксама госці з Германіі і Польшчы.

25 мая ў вілейскім Палацы культуры правядуць конкурсную праграму, а пасля зладзяць вялікі канцэрт на Цэнтральнай плошчы.

26 мая правядуць марш-парад аркестраў і ансамбляў мажарэтак па цэнтральнай вуліцы. Завершаць фестываль 27 мая, паведамляюць у райвыканкаме.

Праграма фестывалю

24 мая. Палац культуры, Вілейка

18.00 – канцэртнае выступленне эстрадна-джазавага ансамбля Вілейскай дзіцячай школы мастацтваў (кіраўнік Ф.Гур)

19.00 – канцэртнае выступленне ўзорнага эстраднага аркестра Капыльскай дзіцячай школы мастацтваў

Парк культуры і адпачынку імя Перамогі, Маладзечна

19.00 – канцэртнае выступленне Маладзёжнага духавога аркестра Лобезскага Дома культуры і народнага духавога аркестра Маладзечанскага музычнага каледжа імя М.К.Агінскага

25 мая, Вілейка, Палац культуры
11.00-13.00 – конкурсная праграма ўзорных духавых аркестраў
14.00-16.00 – конкурсная праграма народных духавых аркестраў

Касцёл узвышэння святога крыжа

12.00-13.00 – канцэртнае выступленне Маладзёжнага духавога аркестра Лобезскага Дома культуры (Лобез, Польшча), прысвечанае 200-годдзю з дня нараджэння Станіслава Манюшкі

Цэнтральная плошча

19.00-22.00 – урачыстае адкрыццё фестывалю, узнагароджванне ўдзельнікаў конкурснай праграмы; канцэртныя выступленні:
• маладзёжнага духавога аркестра Лобезскага Дома культуры (Лобез, Польшча)
• духавога аркестра Латвійскага ўніверсітэта (Рыга, Латвія)
• народнага духавога аркестра Маладзечанскага музычнага каледжа імя М.К.Агінскага
• заслужанага аматарскага калектыву Рэспублікі Беларусь народнага духавога аркестра «Віціны» Стаўбцоўскай дзіцячай школы мастацтваў
• узорна-паказальнага аркестра Узброеных Сіл Рэспублікі Беларусь

Мядзел, амфітэатр

13.00 – канцэртнае выступленне народнага духавога аркестра Маладзечанскага музычнага каледжа імя М.К.Агінскага

26 мая, Вілейка, Цэнтральная плошча

14.00 – марш-парад духавых аркестраў і ансамбляў мажарэтак па вуліцах горада
14.00-15.30 – выступленне зводнага духавога аркестра, паказальныя выступленні ансамбляў мажарэтак
15.30 – урачыстае закрыццё фестывалю