Апошні званок даюць лепшыя спартсмены - Аляксей Шчарбанюк і Дар'я Нікіткова.

11-а і 11-б класы сёння былі галоўнымі героямі на святочнай лінейцы ў сярэдняй школе №3 у Вілейцы. Тут апошні раз званок празвінеў сёння для 32 выпускнікоў.

Вядучыя свята.

– За плячыма 11 год школьнага жыцця, шмат радасных і яркіх момантаў. Думаю, ніхто не будзе спрачацца з гэтым. Упэўнены, што ў кожнага з вас застануцца толькі добрыя ўспаміны пра школу, – адзначыў дырэктар школы Мікалай Гіро, як заўжды па-беларуску.

На святочную лінейку ўваходзяць выпускнікі.
Традыцыйная брама.

Як расказала карэспандэнту намеснік дырэктара па вучэбнай рабоце Алена Семянковіч, сёлетнія выпускнікі цешылі педагогаў сваімі перамогамі.

Па выніках рэспубліканскіх спаборніцтваў спартсмены з трэцяй школы сталі лепшымі ў Беларусі. Гэта Дар’я Нікіткова, Лаліта Харлап, Аляксей Шчарбанюк. А Вікторыя Каросцік, вучаніца Алены Церах, стала лепшай на Міншчыне ў абласным этапе алімпіяды па беларускай мове і ўдзельнічала ў рэспубліканскім.

Выпускніцы.

– Дзеці былі цікавыя, ініцыятыўныя. Усе святы, якія арганізоўвалі выпускнікі, былі вельмі неардынарнымі. У двух класах на павышаным узроўні вывучалі фізіку, хімію, біялогію, матэматыку, гісторыю Беларусі, англійскую мову. Спадзяюся, нашы выпускнікі парадуюць нас вынікамі цэнтралізаванага тэставання, – падсумавала намеснік дырэктара.

Сёлета на Вілейшчыне 234 выпускнікі. 18 з іх прэтэндуюць на медалі.

Кветкі-кветкі…
Героі свята.

Тыя, каму пакуль далёка да выпуску.
Выпускнікоў віншуюць першакласнікі.
Слова настаўнікам і бацькам ад імя выпускнікоў сказала Сафія Канапелька.

Вальс.
Школа, бывай!

Фота аўтара.

• Текст доступен на языке: Русский