Бакас. Фота youtube.com.

Ад 13 ліпеня адкрываецца сезон палявання на бакаса.

Паляваць дазволена ў светлы час сутак ружэйным спосабам з падыходу толькі з паляўнічымі сабакамі (лягавымі, спаніэлямі, ратвелерамі) з гладкаствольнай паляўнічай зброяй з выкарыстаннем патронаў са шротам.

Таксама дазваляюць безружэйнае паляванне з дапамогай лоўчых птушак.

З адным сабакам могуць паляваць да трох паляўнічых.

Улічваючы, што бакас і дупель ў летне-асенні перыяд займаюць адны і тыя ж месцы пражывання, маюць падобныя марфалагічныя (памер, афарбоўка) і паводніцкія прыкметы, кожны паляўнічы павінен умець выразна адрозніваць гэтыя два віды ў працэсе палявання на бакаса.

Звяртаем асаблівую ўвагу паляўнічых, што ад падобнага па вонкавым выглядзе дупеля бакас адрозніваецца белым без стракацінамі брушкам і чорна-рудымі крайнімі рулявымі пер’ямі.

У дупеля пярэстае брушка і бакі, а таксама белыя тры крайнія пары рулявых пёраў. Менавіта белыя крайнія рулявыя пёры дазваляюць паляўнічаму ўпэўнена адрозніць дупеля ад бакаса падчас узлёту птушкі і яе палёту.

Паляванне на дупеля забароненае, бо ён уключаны ў Чырвоную кнігу Рэспублікі Беларусь.

Заканадаўствам прадугледжаная крымінальная адказнасць за незаконную здабычу дзікіх жывёл, віды якіх заведама для вінаватага ўключаны ў Чырвоную кнігу.

Мядзельская міжраённая інспекцыя з іншымі прыродаахоўнымі і праваахоўнымі органамі пастаянна праводзіць мерапрыемствы па выяўленні браканьерства.

Калі Вам стала вядома пра факты парушэння прыроднага заканадаўства, то тэлефануйце па тэлефоне 8-01797- 50-7-40 альбо на тэлефон даверу Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь – 8 017 39 00000 або на тэлефон 102.

Уся атрыманая інфармацыя ў абавязковым парадку будзе правераная.

• Текст доступен на языке: Русский