15-гадоваму хлопчыку стала кепска падчас гульні ў футбол.

Пра гэта «Нашай Ніве» расказалі ў гімназіі, у якой вучыўся хлопчык. Факт пацвердзілі і ў аддзеле адукацыі Маладзечанскага райвыканкама.

Аднакласнікі хлопчыка расказваюць, што здарэнне адбылося 10 ліпеня.

«Хлопца звалі Андрэй, ён мой аднакласнік. Год таму ў яго падчас гульні ў футбол здарыўся прыступ, і ён страціў прытомнасць. Яго рэанімавалі, ён упаў у кому, але праз пару дзён без якіх-небудзь ускладненняў з яе выйшаў. Нешта падобнае накшталт прыступу здарылася і ўчора. Але яго не паспелі выратаваць», — расказала аднакласніца хлопчыка.

Афіцыйная прадстаўнік упраўлення Следчага камітэта па Мінскай вобласці Таццяна Беланог расказала, што па факце смерці падлетка праводзіцца праверка. 

Па папярэдняй інфармацыі, прычына смерці — захворванне, якое было ў хлопчыка. 

• Текст доступен на языке: Русский