Вы ўсё лета шчыравалі ў агародзе і цяпер можаце пахваліцца памідорамі, перцамі і кабачкамі? Або загараючы на сонейку, павязвалі прыгожыя дызайнерскія рэчы?

Любіце гатаваць? Самастойна майструеце мэблю для ўласнай кватэры?

Тады наша традыцыйная акцыя «Супергаспадар» для вас.

Дасылайце на нашу пошту regionnews@rh.by лепшыя фотаздымкі, звязаныя з гаспадаркай.

Каб стаць пераможцам акцыі, неабходна даслаць адно фота ад аднаго чалавека. Мы размесцім іх для галасавання на сайце rh.by.

Адзін найлепшы здымак абяром самі. Другі – абяруць нашы чытачы падчас галасавання.

Для пераможцаў мы падрыхтавалі падарункі.

Дасылаць здымкі могуць нашы чытачы ад восьмага жніўня да 30 верасня. Пасля  мы размесцім на нашым сайце rh.by галасаванне, якое будзе доўжыцца ад 1 да 13 кастрычніка. А 14 верасня мы абвесцім вынікі акцыі.

У лісце пазначце сваё імя, прозвішча, населены пункт, нумар тэлефона і некалькі сказаў пра сваё фота і сябе. Фотаздымкі, дасланыя без апісання, да ўдзелу дапускацца не будуць. У тэме ліста абавязкова пазначце «Супергаспадар».

Большасць з дасланых фотаздымкаў мы размесцім і ў папяровай версіі газеты.