У лесе ў Маладзечанскім раёне знайшлі авіябомбу

Пра знаходку Маладзечанскаму РАУС паведаміў грыбнік. Ён знайшоў снарад у лесе каля вёскі Запалякі.

Праваахоўнікі ачапілі месца да прыезду сапёрна-піратэхнічнай групы.

Спецыялісты вайсковай часці 3310 ўсталявалі, што гэта была фугасна-авіяцыйная бомба.

На іх думку, у гады вайны авіябомбу выкарыстоўвалі ў мэтах агітацыі, альбо яна была запальнай.

Снарад не адпавяде па параметрах па памеру і вазе. Ёсць падставы меркаваць, што першымі артэфакт знайшлі, так званыя, «чорныя капальнікі». Снарад быў напалову адкапаны, мабыць, завяршыць пачатае да канца ім не ўдалося.

Сапёры абследавалі прылеглую тэрыторыю і знайшлі фрагменты яшчэ аднаго ідэнтычнага снарада, толькі ўжо разарванага. Першую авіябомбу спецыялісты транспартавалі на падрыўную пляцоўку для далейшага знішчэння.

Міліцыя нагадвае грамадзянам, што ў выпадку выяўлення небяспечных прадметаў іх катэгарычна забаронена чапаць. У першую чаргу, неабходна зрабіць паведамленне на лінію «102».

 

• Текст доступен на языке: Русский