Пад Маладзечнам сутыкнуліся мотаблок і матацыкл без тэхагляду

Здарэнне адбылося а 19-й гадзіне ў пятніцу, 16 жніўня, паміж Турэц-Баярамі і Цемяніцай, паведамляе абласная міліцыя.

Пенсіянер ехаў на мотакультыватары ў напрамку дарогі «Маладзечна — Смаргонь». Пры павароце налева ён не саступіў дарогу матацыклісту, які абганяў мотаблок. У выніку адбылося сутыкненне, пенсіянер атрымаў цялесныя пашкоджанні.

На месца здарэння прыбылі супрацоўнікі ДАІ і медыкі. Абодва ўдзельнікі аварыі былі дастаўлены ў бальніцу, адкуль пасля агляду і аказання медыцынскай дапамогі адпушчаныя дадому. Дарэчы, матацыкліст быў у экіпіроўцы, шлеме і з пальчаткамі, а вось яго «жалезны конь» быў без тэхагляду. 

• Текст доступен на языке: Русский