Ілюстрацыйнае фота bagnet.ru

Да ўсіх 83 непаўналетніх, якія адбываюць пакаранне паводле 328 артыкула аб распаўсюдзе наркотыкаў, будзе прыменена амністыя.

Пра гэта заявіў журналістам палкоўнік міліцыі Генадзь Казакевіч, начальнік галоўнай управы па наркакантролі і супрацьдзеяньні гандлю людзьмі Міністэрства ўнутраных спраў Беларусі.

Колькі з 83 падлеткаў ужо сёлета выйдзе на волю, а якой частцы тэрмін пакарання будзе скарочаны на 2 гады, міліцыянер не паведаміў. Паводле Генадзя Казакевіча, амністыю прыменяць да 1600 вязняў, асуджаных па 328 антынаркатычным артыкуле.