Алена Пілецкая стала новым кіраўніком Астравецкай падатковай службы. Фота Вольгі Хацяновіч для ostrovets.by.

Начальнікам інспекцыі Міністэрства па падатках і зборах па Астравецкім раёне прызначаная Алена Пілецкая.

Алена Генадзьеўна – ураджэнка Ашмянскага раёна. У 1990 годзе скончыла Ашмянскі сельскагаспадарчы тэхнікум, у 1996 годзе – Ленінградскі дзяржаўны аграрны ўніверсітэт па спецыяльнасці «Бухгалтарскі ўлік, кантроль і аналіз гаспадарчай дзейнасці».

У падатковую сістэму прыйшла ў 1993-м – пачынала падатковым інспектарам ІМПЗ па Астравецкім раёне. У апошні час займала пасаду начальніка аддзела кантрольнай работы.

Неаднаразова ўзнагароджана Ганаровай граматай абласной інспекцыі. Яе партрэт занесены на Дошку гонару інспекцыі ІМПЗ па Гродзенскай вобласці.

• Текст доступен на языке: Русский