Фота Настассі Уткінай.

Толькі тры беларускія гарады знаходзяцца ў добрым стане і вельмі шмат – у дрэнным. Гэта паказвае новы Рэйтынг беларускіх гарадоў, які Цэнтр новых ідэй апублікаваў 11 лістапада.

У тым, што Беларусь распластоўваецца, няма нічога дзіўнага. У многіх краінах сталіцы развіваюцца хутчэй, чым рэгіёны: у вялікія гарады ахвотней інвестуюць, таму што там мага хутчэй зарабіць.

Праблема Беларусі хутчэй у тым, што афіцыйна не гаворыцца: нашы гарады розныя, з рознымі лёсамі. Некаторыя з іх, магчыма, асуджаныя на згасанне, у той час як іншыя, наадварот, могуць стаць новымі рэгіянальнымі цэнтрамі.

Рэйтынг беларускіх гарадоў падрыхтаваны для таго, каб паказаць розніцу ў развіцці. У рэйтынгу мы ацэньваем 23 горада з больш чым 50 тыс. Жыхароў па пяці параметрах: дэмаграфічная ўстойлівасць, стан эканомікі, якасць жыцця, празрыстасць кіравання і турыстычная прывабнасць. Падрабязныя вынікі і методыку можна ўбачыць на сайце рэйтынгу, a вось некаторыя звесткі аб тым, як развіваюцца нашы гарады.

Маладзечна па рэйтынгу на 19 месцы. У спісе – усяго 23 гарады. Пасля Маладзечна – толькі Орша, Рэчыца, Бабруйск і Светлагорск.

У першай тройцы – Мінск, Гродна, Брэст.

Рэйтынг складалі з улікам наступных умоў:

  • дэмаграфічная ўстойлівасць
  • празрыстасць кіравання
  • якасць жыцця
  • стан эканомікі
  • турыстычная прывабнасць

Маладзечна ўвайшло ў сямёрку гарадоў з найгоршымі вынікамі.

Але па турыстычнай прывабнасці – у пяцёрцы лепшых пасля сталіцы і абласных цэнтраў Гродна, Брэста і Віцебска. Як ацэньвалі турыстычную прывабнасць? Звярталі ўвагу на:

  • колькасць даступнага жылля
  • колькасць аб’ектаў харчавання
  • экспертны рэйтынг славутасцяў
  • наяўнасць англамоўнай версіі сайта выканкама

Больш ніякія гарады рэгіёна ў гэты рэйтынг не ўвайшлі.