Ілюстрацыйнае фота danilova.pro.

Пра гэта карэспандэнту расказалі ў аддзеле культуры, ідэалагічнай працы і па справах моладзі Вілейскага райвыканкама.

Конкурс разлічаны на адміністрацыйныя, грамадскія і вытворчыя будынкі. Ужо зацверджанае адпаведнае Палажэнне і склад камісіі.

Сёлета ўпрыгожаныя будынкі будуць ацэньваць у пяці намінацыях:

  • лепшае святочнае афармленне аб’екта гандлю і грамадскага харчавання
  • лепшае святочнае афармленне прамысловага, будаўнічага, дарожна-будаўнічага і камунальнага прадпрыемства
  • лепшае святочнае афармленне аб’екта сацыяльнай сферы ў горадзе
  • лепшае святочнае афармленне аб’екта сацыяльнай сферы на сяле
  • лепшае святочнае афармленне сельскага населенага пункта

Конкурс праводзяць не ў першы раз. Аднак сёлета зрабілі больш намінацый. Так атрымаецца ацаніць будынкі больш справядліва, лічаць арганізатары.

Журы будзе звяртаць увагу на афармленне фасадаў і ўваходаў, афармленне тэрыторыі і дрэў, наяўнасць аб’ёмных скульптур, фігуры Дзеда Мароза і Снягуркі, цэласнасць, новыя дызайнерскія рашэнні, якасць, эстэтыку.

Да 15 снежня ў райвыканкаме будуць збіраць заяўкі. Ад 25 снежня да 14 студзеня вызначаць пераможцаў.

• Текст доступен на языке: Русский