На месцы здарэння. Фота dsns.gov.ua.

Ратавальнікі знайшлі целы яшчэ двух ахвяр пажару ў Адэскім каледжы эканомікі, правы і гасцінічна-рэстараннага бізнесу. Такая інфармацыя размешчана на афіцыйным сайце Дзяржаўнай службы Украіны па надзвычайных сітуацыях.

Цела дзевятай і дзесятай знайшлb сёння раніцай падчас разбору завалаў. Учора  знайшлі целы яшчэ трох ахвяр здарэння. Акрамя таго, у бальніцы ад атрыманых траўмаў памёр выратавальнік, які ўдзельнічаў у тушэнні пажару.

Усяго, па дадзеных выратавальнікаў, у пажары пацярпелі 30 чалавек. Сёння ў бальніцах горада знаходзяцца дзевяць чалавек.

Пажар у гістарычным будынку, дзе размяшчаецца каледж, адбыўся 4 снежня. У момант узгарання ў будынку знаходзіліся больш за чатырыста чалавек. Паліцыя пачала дасудовае расследаванне па артыкуле аб парушэнні патрабаванняў пажарнай бяспекі. Афіцыйна пра прычыну інцыдэнту пакуль не называюць.

Прэзідэнт Украіны Уладзімір Зяленскі абвясціў 8 снежня днём нацыянальнай жалобы па загінулых.

• Текст доступен на языке: Русский