«Рэгіянальная газета» вызначае тых, хто найбольш адзначыўся ў розных галінах цягам года.

Мы абралі найбольш яркія падзеі і герояў, якія стваралі 2019 год такім, якім ён нам запомніцца. І прапануем вам, дарагія чытачы, выказаць свае сімпатыі.
Галасаванне за прэтэндэнтаў мы запускаем 9 снежня. Па выніках галасавання вызначыцца толькі адна намінацыя – «Прыз глядацкіх сімпатый».

Каб прагаласаваць, неабходна выбраць імёны ў спецыяльнай форме ніжэй.
Пераможцаў усіх астатніх намінацый вызначыць калектыў рэдакцыі. У тым ліку менавіта рэдакцыя вызначыць, каму пойдзе галоўнае званне Асобы года-2019. Галасаванне будзе закрытае 2 студзеня. У першым нумары газеты за 2020 год вы даведаецеся імя пераможцаў.

Вы можаце даслаць прапанову сваёй кандыдатуры, якая будзе ўдзельнічаць у конкурсе. Дасылайце прапановы на адрас regionnews@ rh.by.

Спіс прэтэндэнтаў на ўзнагароду «Асоба года 2019»

Маладзечна

  • Алена Парахня і Лідзія Князева – за прасоўванне актыўнай сталасці.
  • Эдвард Баланчук – за адстойванне правоў чалавека.
  • Ірына Тархан – за прасоўванне актывізму і згуртаванне супольнасці.
  • Зоя Дылеўская – за прасоўванне экалагічнасці сярод школьнікаў.
  • Уладзімір Садоўскі – за захаванне спадчыны.
  • Андрэй Эзерын – за ўвагу да мужчынскага здароўя.
  • Атрад «Анёл Паўночны Захад» – за мужнасць ратаваць іншых.
  • Дзмітры Асанаў – за золата Еўрапейскіх гульняў.
  • Этнаграфічны клуб «Кола» – за захаванне спадчыны.
  • Каманда NSNL – за стварэнне «Вуліцы стрыт-фуда».
  • Актывісты дабрачыннай арганізацыі «Бумеранг дабра», якія дапамагаюць нам знаходзіць дабрыню ў саміх сабе.
  • Уладзіслаў Кнацько-Штэрк – за ўзняцце маладзечанскага футбола.
  • Глеб Карыцька – за перамогі ў адзінаборстве.
  • Аляксандр Кулак – за захаванне ўнікальнага віду спорту – гарадкі.
  • Аляксандр Раткевіч – за захаванне гісторыі.

Вілейка

  • Аляксей Чубат – за арганізацыю і прамоцыю культурніцкага праекта «Спеўны сход».
  • Вераніка Гіль – барацьба за чысціню.
  • Ларыса Якавюк – за экалагічную актыўнасць.
  • Наталля Дуровіч – за арганізацыю сустрэч у вёсцы Будзішча.
  • Іван Літвіновіч – за бліскучыя перамогі.
  • Дзмітры Субач – за крэатыўную дабрачыннасць.

Валожын

  • Міхаіл Невядомскі – за падтрыманне інклюзіі.
  • Васіль Грынь – за захаванне традыцый.
  • Аляксей Сюдак – за актывізм у Вілейцы.
  • Кастусь Шыталь – за настойлівасць.

Смаргонь

  • Францішак Жылка – за адраджэнне млына.
  • Эдзіта Бранцэвіч – за выхаванне дзяцей у беларускай традыцыі.
  • Алег Дзярновіч – за арганізацыю раскопак у Крэве.

Астравец

  • Аляксандр Дарашэвіч – барацьба за чысціню.

Мядзел

  • Юрась Камандзірчык – за стварэнне драўляных скульптур.
  • Эдуард Вайцяховіч – за развіццё бізнесу ў вёсцы.

Ашмяны

  • Ашмянскі краязнаўчы музей – за захаванне спадчыны.

 

Пераможцы акцыі ў мінулыя гады

У 2018 годзе «Прыз глядацкіх сімпатый» узялі Ганна Холад і Валянціна Сідоркіна.

«Адкрыццё года» – Алег Куралесаў. «Натхненнем года» сталі Іван Дурэйка і Міхаіл Міхалевіч. «Учынак года» атрымаў калектыў Мінскага абласнога драматычнага тэатра.

2017 год. Асобамі года сталі Алена і Ігар Крэйнісы з Валожыншчыны, якія стварылі прытулак для жывёл. Узнагароду «Натхненне года» ўзяў мастак Базіната. «Учынак года» атрымаў Аляксандр Дарашэвіч з Астравеччыны, арганізатар прыборкі Сарачанскіх азёраў на Астравеччыне, падчас якой вывезлі 2 500 літраў смецця. У намінацыі «Прыз глядацкіх сімпатый» пераможцу выбіралі праз галасаванне. Першынство атрымала віляйчанка Жанна Гардынец.

2016 год. Асобай года стала арганізатар «Жывой бібліятэкі» ў Маладзечне Юлія Мароз. Рэдакцыя вырашыла заснаваць дадаткова дзве намінацыі – «Натхненне года», якую атрымаў невідушчы спявак Данік Савеня і «Учынак года», якім назвалі Адама Мальдзіса.

Асобай года 2015 стаў вілейскі краязнаўца Дзяніс Канецкі.

Асобай года 2014 стаў на той момант вучань 11 класа з Маладзечна Уладзімір Грахоўскі, які выратаваў дзіця.

• Текст доступен на языке: Русский

ПАДОБНЫЯ АРТЫКУЛЫ