Ілюстрацыйнае фота cont.ws.

Трэці год запар выпечка астравецкіх пекараў атрымлівае самую высокую ацэнку экспертаў рэспубліканскага агляду якасці хлебабулачных і кандытарскіх вырабаў «Смаката-2019».

Сёлета агляд праходзіў па 16 намінацыях.  Астраўчане адправілі дзесяць узораў  выпечкі – і дзевяць з іх атрымалі ўзнагароды.  Хлеб «Раманаўскі з семкамі» ўзяў «срэбра».  А «золатам» адзначылі два батоны, багет, рулецікі з павідлам і дражжавы, булачку, а таксама прысмакі мучныя «Аўсяныя».  Галоўную ўзнагароду – гран-пры конкурсу – заваяваў пірог «Макавы цвет», паведамляюць у Астравецкім райвыканкаме.