У кітайскіх Ухані ўспыхнуў раней невядомы каронавірус. Сёння кітайскія ўлады забаранілі жыхарам горада выязджаць, а ў самім населенным пункце аб’яўлены каранцін.
Чытайце яшчэ: З новым каронавірусом. Што такое 2019-nCoV і чаго ад яго чакаць
Чытайце яшчэ: У мінскай «інфекцыёнцы» знаходзіцца дзяўчына з падазрэннем на каронавірус
Прапаноўваем вам лепшыя фільмы пра вірусы, за праглядам якіх можна бавіць час, чакаючы навін пра вірус з Ухані.
«Заражэнне»
Міжнародная арганізацыя доктараў сумесна з Цэнтрам па кантролі і прафілактыцы захворванняў ЗША спрабуе перашкодзіць распаўсюджванню смяротнага віруса. У фільме прысутнічаюць некалькі узаемазвязаных сюжэтных ліній, якія адлюстроўваюць падзеі ад першапачатковай успышкі захворвання да распрацоўкі вакцыны.
У творчым калектыве фільма вельмі шмат акцёраў, якія былі намінаваныя ці нават атрымалі прэмію «Оскар». Гэта Марыён Каціяр, Мэт Дэйман, Лорэнс Фішбёрн, Эліат Гулд, Джон Хоўкс, Джуд Лоў, Гвінет Пэлтроў і Кэйт Уінслет.
«Птушыная скрынка»
Сюжэт. Пяць гадоў таму свет пагрузіўся ў хаос: убачыўшы нешта, людзі канчаюць жыццё самагубствам. Жанчына з двума пяцігадовымі дзецьмі, пачуўшы па радыё аб бяспечным месцы, адпраўляецца на пошукі абшчыны і прымацоўвае з сабой папугаяў у скрынцы. Каб захаваць жыццё ў гэтым новым свеце, самае галоўнае – не глядзець па баках і слухаць, як птушкі рэагуюць на надыходзячую небяспеку.
«Размаляваны вэлюм»
1920-я, малады доктар і яго жонка Кіці адпраўляюцца ў аддаленую кітайскую вёсачку, каб змагацца з эпідэміяй халеры. Там уражаная адданасцю мужа працы Кіці пачынае бачыць яго ў іншым святле і ўлюбляецца ў яго.
«Я – легенда»
Невядомы вірус забраў жыцці паловы насельніцтва зямнога шара, а палову ператварыў у вампіраў. Адзіны чалавек з імунітэтам да захворвання начамі трымае аблогу вампіраў, а днём спрабуе знайсці проціяддзе і дакапацца да прычынаў эпідэміі.
«Бачыць»
У далёкай будучыні чалавечая раса цалкам пазбавілася зроку. Каб выжыць, людзям прыйшлося знайсці новы спосаб існаваць, будаваць і здабываць ежу. Усё мяняецца, калі ў сям’і бясстрашнага воіна Бабы Вос нараджаюцца здольныя бачыць блізняты. Іх з’яўленне рызыкуе парушыць далікатны баланс новага свету і ўкінуць цывілізацыю ў хаос.
