Пераможцы. Фота minsk-region.gov.by.

14 лютага на базе Маладзечанскага дзяржаўнага політэхнічнага каледжа правялі абласны этап рэспубліканскага конкурсу прафесійнага майстэрства «WorldSkills Belarus – 2020» па кампетэнцыі «хлебапячэнне».

Спаборнічалі прадстаўнікі трох устаноў прафесійнай адукацыі Міншчыны. Пяць гадзін удзельнікі рыхтавалі цеста, начынне і выпякалі хлебабулачныя вырабы: прэтцель (нямецкі абаранак), багет, здобны булачны і плецены выраб.

Якасць працы ацэньвалі галоўны эксперт рэспубліканскага конкурсу «WorldSkills Belarus – 2020» па прафесійнай кампетэнцыі «хлебапячэнне», а таксама прадстаўнікі устаноў сярэдняй спецыяльнай адукацыі.

Першае месца заняў Дзмітры Крот, навучэнец Маладзечанскага дзяржаўнага каледжа.

• Текст доступен на языке: Русский