Галіна Левіна. Серыя Мінск. Дрэва ў музычным завулку.

«Горад, напісаны крокамі. Адваротная перапектыва». Пад такой назвай ад 31 сакавіка  па  26 красавіка ў выставачнай зале імя Нікадзіма Сілівановіча Вілейскага краязнаўчага музея будзе працаваць мастацкая выстава. Наведвальнікам прадставяць больш за  пяць дзесяткаў аўтарскіх работ архітэктара, лаўрэата Дзяржаўнай прэміі Беларусі Галіны Левінай.

Галіна Левіна – беларускі архітэктар, рэстаўратар, грамадскі дзеяч, прапагандыст яўрэйскай культуры. Яна – дачка знакамітага акадэміка архітэктуры Леаніда Левіна. А яшчэ,  як аўтар  сцэнаграфіі і паэтычных зборнікаў.

Малюнкі, што прадставяць на гэтай выстав, выкананыя Галінай Левінай у розны час і ў розных месцах, не толькі Беларусі.

– Сапраўды, яе гарады ніб напісаныя крокамі. Яны літаральна выхаджаныя і ўвабраныя аўтарам. Алоўкі, пастэль, туш, фламастэр, блакнот сталі абавязковымі спадарожнікамі яе ванддровак і службовых камандзіровак. Асабліва Галіну Левіну прываблівае гісторыя і архітэктура малых гарадоў,  дзе, як  сцвярджае  яна захоўваецца ні з чым не параўнальны дух мястэчка, па-своему  ўнікальны і непаўторны, – распавяла навуковы супрацоўнік Вілейскага краязнаўчага музея Вольга Коласава.

Сёння малюнкі архітэктара Галіны Левінай  паступова становяцца рарытэтам ужо ў сілу свёй поўнай непатрэбнасці ў сучаснай праектнай працы, бо з яе рэпрэзентацыяй паспяхова спраўляюцца камп’ютарныя графічныя праграмы. Разам з гэтым сыходзіць цэлая эпоха архітэктараў, якія ездзілі па свеце з мальбертам і алоўкам у руках.

Колер старога горада.Серыя Мінск.

Часы мяняюцца і зараз архітэктурны малюнак лічыцца паўнавартасным і самастойным відам мастацтва.  Яго пачалі збіраць не толькі знатакі графікі, але і буйныя музеі. У Беларусі пакуль такія выставы рэдкасць.

Музей запрашае на выставу ўсіх ахвотных. Супрацоўнікі спадзяюцца, што ў некаторых вілейчан пасля наведвання выставы з’явіцца жаданне ўзяць у рукі аловак або фламастар і намаляваць свой горад,  яго вуліцы і завулкі, архітэктурныя пейзажы і «партрэты» будынкаў.

• Текст доступен на языке: Русский