Фота NY Times.

«Рэгіянальная газета» дэталёва распавядае, як у Германіі распаўсюджваўся каранавірус і як нямецкія ўлады рэагавалі на эпідэміялагічную абстаноўку ў краіне.

Ухань – Шанхай – Баварыя

Нямецкія інфекцыяністы прасачылі распаўсюджванне каранавіруснай інфекцыі ў краіне ад першага афіцыйна зафіксаванага выпадку. 16 студзеня ў Шанхай да жанчыны завіталі яе бацькі з Ухані. 19 студзеня кітаянка паляцела ў горад Штокдарф у Баварыі, каб папрацаваць з калегамі на трэнінгу. Тады яна не ведала, што інфіцыраваная, у яе не было сімптомаў.

21 студзеня кітаянка разам з калегай з Германіі ўдзельнічала ў трэнінгу. У той час, 22 студзеня, нямецкія ўлады просяць устрымацца ад пералётаў у Кітай. 23 студзеня кітаянка вярнулася ў Шанхай, яна адчула сябе хворай.

24 студзеня мужчына, які быў на трэнінгу, адчуў сябе кепска: пакутаваў ад болю ў горле, высокай тэмпературы. У той жа дзень Міністэрства аховы здароўя Германіі заявіла, што «няма прычын для турботы альбо панікі» праз каранавірус. У буйных аэрапортах супрацоўнікі пачалі шукаць прыкметы хваробы ў лю­дзей, якія прыбывалі з Кітая.

26 студзеня хворы мужчыны з Штокдарфа пачаў папраўляцца. У жанчыны з Шанхая тэст на каранавірус паказаў станоўчы вынік. Мінздароўя сказала, што паніка страшней за каранавірус.

27 студзеня жанчына з Шанхая праінфармавала кампанію ў Германіі пра свой тэст. Яе нямецкі калега атрымаў станоўчы вынік тэста на каранавірусную інфекцыю – ён становіцца першым інфіцыраваным у краіне. На наступны дзень яшчэ ў трох чалавек знахо­дзяць каранавірус. Яны таксама супрацоўнічалі з людзьмі з той кампаніі, у якую прыязджала кітаянка.

29 студзеня «Люфтганза» адмяніла ўсе самалёты з Кітая. 30 студзеня Мінздароўя Германіі зафіксавала захворванне ў некалькіх землях.

Эвакуацыя і інфіцыраваныя ва ўсіх землях Германіі

1 лютага ўлады Германіі пачалі эвакуацыю немцаў з Кітая. 7 лютага ў Германіі пацверджаны 14 выпадкаў каранавіруснай інфекцыі. 12 з 14 выпадкаў былі звязаныя з кампаніяй, на трэнінг якой прыяз­джала жанчына з Шанхая. У той час у Кітаі хварэюць больш 30 тысяч чалавек. Нямецкія ўлады плануюць выдаткаваць на барацьбу з каранавірусам 23 мільёны еўра.

Ад 25 лютага колькасць выпадкаў перавысіла 60. Дзясяткі дзяцей пачатковых класаў у Боне знаходзяцца на каранціне, таму што адзін з выхавальнікаў ­інфіцыраваны.

1 сакавіка ўлады пацвердзілі, што ва ўсіх заходніх землях Германіі ёсць людзі з каранавірусам. 3 сакавіка амаль ва ўсіх землях краіны зафіксавалі інфіцыраваных COVID-19. У Берліне закрылі дзве школы. З’яўляюцца паведамленні, што туалетная папера і тавары працяглага карыстання сталі высока запатрабаванымі.

Імклівы рост хворых, канцлер на ізаляцыі і падтрымка бізнесу

8 сакавіка колькасць хворых павялічылася да адной тысячы выпадкаў. 10 сакавіка нямецкія ўлады закрываюць оперу, тэатры, працягваюць адмяняць масавыя мерапрыемствы.

Канцлер Германіі Ангела Меркель заявіла, што каля 60-70% немцаў будуць інфіцыраваныя каранавірусам.

12 сакавіка берлінскія ўніверсітэты адкладаюць пачатак семестра, у краіне хварэюць дзве тысячы чалавек. 14 сакавіка большасць садкоў, школ і ўніверсітэтаў закрылі. Колькасць хворых на каранавірус расце вельмі хутка. 15 сакавіка ў Германіі больш за ­шэсць тысяч выпадкаў, краіна закрывае межы. 16 сакавіка Ангела Меркель выдае ўказ аб закрыцці цэркваў, крамаў, казіно.

18 сакавіка ў Германіі 12 тысяч выпадкаў. Канцлер Меркель заявіла, што гэта самае большае выпрабаванне для краіны з часоў Другой сусветнай вайны.

22 сакавіка ў краіне зафіксавалі больш за 26 тысяч выпадкаў. Нямецкія ўлады ствараюць праграмы дапамогі бізнесу. Для гэтых праектаў збіраюцца выдаткаваць 150 міль­ярдаў еўра. Немцы пачынаюць прымаць пацыентаў з Італіі і Францыі ў сваіх бальніцах.

26 сакавіка ў Германіі выявілі больш за 40 тысяч выпадкаў. Памерлі 206 пацыентаў, з іх 49 за адзін дзень.

Па стане на 3 красавіка ў Германіі зафіксавалі больш выпадкаў каранавіруснай інфекцыі, чым у Кітаі за ўвесь час. Колькасць хворых – больш за 87 тысяч, памерлі 1100 чалавек.

6 красавіка колькасць выпадкаў перавысіла 100 тысяч. Ангела Меркель заявіла, што каранавірус закрануў кожнага. Яна таксама патлумачыла, што Германіі рана вяртацца да нармальнага публічнага жыцця.

20 красавіка ў Германіі больш за 145 тысяч хворых на каранавірус. Краіна ўваходзіць у пяцёрку краін з найбольшым распаўсюджваннем каранавіруса.