Жыхара Мядзела двойчы за паўгода злавілі п’яным за рулём — узбудзілі крымінальную справу

Жыхара Мядзела двойчы злавілі за кіраванне ў стане ап’янення за паўгода.

27 мая ўзбудзілі крымінальную справу паскоранага выканання ў дачыненні да жыхара Мядзела.

У снежні 2019 года яго прыцягвалі да адміністрацыйнай адказнасці па артыкуле 18.16 ч.1 КоАП Рэспублікі Беларусь («Кіраванне транспартным сродкам асобай, якая знаходзіцца ў стане ап’янення, перадача кіравання транспартным сродкам такой асобе або адмова ад праходжання праверкі (агляду)».

Тады наклалі штраф у 50 базавых велічынь і пазбавілі права займацца дзейнасцю, звязанай з кіраваннем транспартнымі сродкамі, на тры гады.

Але прайшло толькі некалькі месяцаў, і 24 красавіка мужчына ў стане алкагольнага ап’янення кіраваў аўтамашынай «Шэўрале» ў Мядзеле.