Ілюстрацыйнае фота timesofisrael.com.

Рост колькасці новых выпадкаў заражэння каранавірусам у Еўропе назіраўся ўпершыню за некалькі месяцаў. Пра гэта заявіў у чацвер дырэктар Еўрапейскага рэгіянальнага бюро Сусветнай арганізацыі аховы здароўя (СААЗ) Ханс Клюге на брыфінгу ў Капенгагене, які трансляваўся ў Facebook.

«У той час як Еўрапейскі рэгіён паведамляе аб зніжэнні долі глабальных выпадкаў у параўнанні з пачаткам года, рэгіён працягвае рэгістраваць амаль 20 тысяч новых выпадкаў і больш за семсот ахвяр штодня. На мінулым тыдні ў Еўропе ўпершыню за некалькі месяцаў назіраўся рост колькасці штотыднёвых выпадкаў», — адзначыў Клюге.

Ён растлумачыў, што колькасць новых выпадкаў інфікавання вырасла ў 30 краінах за апошнія два тыдні. У 11 з іх адзначаны асабліва востры рост захворвання. У той жа час у Польшчы, Германіі, Іспаніі і Ізраілі ўлады хутка адрэагавалі на павелічэнне новых выпадкаў СOVID-19.

• Текст доступен на языке: Русский