Былы кіраўнік Докшыцкага райвыканкама Алег Пінчук, які ў лютым 2020 года, верагодна, выпадкова застрэліў на паляванні мясцовага бізнэсмэна, цяпер працуе намеснікам дырэктара УП «Глыбокаегаз» – філіяла «Віцебскаблгаз». Гэтую інфармацыю TUT.BY пацвердзілі на прадпрыемстве.
– Намеснікам кіраўніка Алег Леанідавіч працуе нядаўна, – паведамілі на прадпрыемстве «Глыбокаегаз».
Пагутарыць з самім Пінчуком TUT.BY не атрымалася.
Расследаванне справы па факце інцыдэнту на паляванні за прычыненне смерці па неасцярожнасці яшчэ ідзе.
Нагадаем, 21 лютага ў Гарадоцкім раёне адбылася трагедыя: на паляванні тады яшчэ старшыня Докшыцкага райвыканкама Алег Пінчук па неасцярожнасці застрэліў 37-гадовага мясцовага прадпрымальніка, дырэктара буйной будаўнічай кампаніі рэгіёну, уладальніка мясцовых рэстарана і кафэ Валера Янчака.
Следчы камітэт распачаў справу за прычыненне смерці па неасцярожнасці. Алега Пінчука не затрымлівалі.
Практычна праз месяц пасля інцыдэнту, 16 сакавіка, стала вядома імя новага старшыні Докшыцкага райвыканкама – на гэтую пасаду Лукашэнка прызначыў Алега Кавалёнка.
Алег Пінчук раней распавёў TUT.BY, што сам напісаў заяву аб звальненні з пасады кіраўніка райвыканкама:
– У сувязі з гэтым выпадкам [на паляванні] добраахвотна напісаў заяву аб звальненні.
19 сакавіка Алега Пінчука прызначылі старшынёй Туміловічыскага сельвыканкама ў Докшыцкім раёне – гэта было рашэнне новага кіраўніка райвыканкама Алега Кавалёнка.
– Мне сказалі папрацаваць у Туміловічыскім сельсавеце – да мая: у гэтым месяцы будзе 20 гадоў, як я на дзяржслужбе, – патлумачыў тады сваё новае прызначэнне Пінчук. – А затым на пасаду старшыні сельсавета вернецца ранейшы кіраўнік – Генадзь Пацэвіч.
У красавіку 50-гадовы Алег Пінчук напісаў заяву аб сыходзе ў адстаўку з дзяржаўнай службы:
– Да пенсіі яшчэ далёка. Зараз я чакаю судовага разбору па няшчаснам выпадку па гібелі чалавека. Вельмі цяжка на душы.
