Ясенія Мікуліч (у цэнтры) на сваім канцэрце.

19 чэрвеня ў Віцебску ў рамках праекта «Мастацтва не мае межаў» адбыўся канцэрт «Я спяваю душой». Яго дала жыхарка Чысці, старшыня культурна-асветніцкага таварыства ўкраінцаў «Краяны» Ясенія Мікуліч.

Мерапрыемства ла­ дзіў Цэнтр культуры «Ві­цебск» і філіял Цэнтра нацыянальных культур пры падтрымцы гана­ровага консула Ігара Калінічэнкі і старшыні Віцебскага гарадскога культурна­-асветніцкага таварыства ўкраінцаў «Радаслаў» Генадзя Чарнаморанкі. Кан­цэрт прысвяцілі куль­туры Украіны.

– Мы разам з дачкой Валянцінай, якая часта мяне суправаджае, у Віцебску былі ўпершыню. Для нас зладзілі экскурсію. Шмат што ўразіла і запомнілася: ратуша, амфітэатр, вулічны клоўн, – дзеліцца ўражаннямі суразмоўца.

Да канцэрта Ясенія Мікуліч пачала рыхтавацца за некалькі ме­сяцаў. Мерапрыемства павінна было адбыцца раней, але перашко­дзіла хвароба спявачкі. У красавіку Ясенія за­ хварэла на каронавірус, трапіла ў бальніцу.

Падчас выканання беларускіх песень.

– Крыху адпачыўшы пасля хваробы, я пра­ цягнула рэпетыцыі і ўсё ж вырашыла ехаць у Віцебск на канцэрт, – працягвае жанчына. – Сваім выступленнем хацела данесці людзям кавалачак цудоўнай украінскай культуры.

Як заўсёды, Ясенію падтрымлівала яе сям’я – муж, дзеці, унукі, сябры і сваякі. З украін­скай атрыбутыкай дапа­маглі сябры з Мінска. Таксама, па словах су­размоўцы, яе творчасць падтрымліваюць у Чыс­цінскім Доме культуры. І на гэты раз яна ўдзячная дырэктару Генадзю Сушко. Тут дапамаглі і з беларускім касцюмам, і з музыкай.

Для выступлення спявачка абрала вядо­мыя пені на ўкраінскай і беларускай мовах. У прамым эфіры да кан­цэрта далучыліся гле­дачы з Кіева – спявачка Анастасія Мурміль і мастацтвазнаўца і пра­ дзюсар Таццяна Апанасенка.

– А яшчэ проста ў прамым эфіры зла­дзілі дэгустацыю бар­шчу. Пакаштаваўшы некалькі варыянтаў, я павінна была ўгадаць сапраўдны ўкраінскі боршч. І ўгадала! – рас­ павядае Ясенія.

Для Ясеніі гэта быў першы анлайн­канцэрт. Таму прызнаецца, на­пачатку адчувала разгу­бленасць і хваляванне. Але падтрымка і душэў­ныя дыялогі паміж пес­нямі паступова супа­коілі.

– На гэты раз дзей­ насць нашага мала­дзечанскага таварыства «Краяны» прадстаўляла я. Але ў нас шмат тале­ навітых людзей. Гэта Валянціна Кудрэвіч, Каміла Суша, Галіна Баян-Ключнікава, Леанід Лысакабылка, – прадставіла Ясенія ся­броў аб’яднання, якім кіруе.

• Текст доступен на языке: Русский