На месцы здарэння. Фота Следчага камітэта.

Па дадзеных следства, увечары 21 ліпеня двое хлопчыкаў 11 і 12 гадоў гулялі ўнутры катлавана, утворанага пасля забору пяску мясцовымі жыхарамі, паблізу адной з вёсак Ашмянскага раёна, паведамляе Следчы камітэт.

Устаноўлена, што калі дзеці былі ў яме, абваліўся грунт. У выніку здарэння хлопчыкаў засыпала.

Супрацоўнікі МНС дасталі дзяцей, аднак выратаваць хлопчыкаў не ўдалося.

Следчыя агледзелі месца здарэння, прызначылі судова-медыцынскія экспертызы. Устанаўліваюцца ўсе абставіны здарэння.

Як стала вядома парталу tut.by, загінулыя хлопчыкі – стрыечныя браты. Адзін з Ашмянаў, другі – з Маладзечна. У Гальшаны яны прыехалі ў госці да бабулі.

• Текст доступен на языке: Русский