Фота Настассі Уткінай.

У Маладзечне затрымалі журналістаў Белсата падчас стрыму. Яны вялі трансляцыю з перадвыбарчага мітынгу Святланы Ціханоўскай, паведамляе Беларуская асацыяцыя журналтстаў.

Змітра Міцкевіча і Дзяніса Дзюбу затрымалі падчас стрыма ў Маладзечна. Міліцыянты не патлумачылі прычыну затрымання, не прадставіліся, адразу загадалі выключыць камеру. Пазней міліцыянты пашкодзілі камеру журналістаў.

Вядома, што Міцкевіч і Дзюба дастаўленыя ў аддзяленне міліцыі Маладзечна па адрасу вул. Галіцкага, 23.

Таксама ў Маладзечне затрыманыя журналісты Марыя Арцыбашава і Алесь Сіліч.