Сёння ў Маладзечне людзі запальвалі свечкі, ускладалі кветкі і стаялі ў жалобным ланцугу, каб ушанаваць памяць загінулага Рамана Бандарэнкі.

Нагадаем, 12 лістапада загінуў мінчук Раман Бандарэнка загінуў у бальніцы пасля таго, як яго прывезла «хуткая» з Цэнтральнага РУУС Мінска.

Кветкі і свечкі маладзечанцы пакідалі яшчэ з вечара 12 лістапада.

Жалобныя акцыі праходзілі ў некалькі кропках горада. Ля Чырвонага касцёла каля ста чалавек стаялі ў ланцугу салідарнасці.
У парку каля помніку пакутнікам за волю і незалежнасць Беларусі людзі ўсклалі кветкі, запалілі свечкі, а потым сталі ў ланцуг на Вялікім Гасцінцы. Людзей у ланцугу салідарнасці на праспекце аблаялі жанчыны.
Жанчына абураецца, чаму людзі стаяць у ланцугу салідарнасці.
Жанчына крычыць на ўдзельнікаў акцыі. Яна сказала, што ім трэба браць чамадан і ехаць у Варшаву.
Гэтая жанчына доўга стаяла каля ланцуга салідарнасці, лаялася з удзельнікамі.
Акцыі суправаджалі супрацоўнікі міліцыі ў цывільным Яўген Кеўра і Яраслаў Туровіч. Яны здымалі людзей на відэакамеру. Пасля завяршэння акцыі відавочцы паведамілі, што ля рынку затрымалі Жанну Мандрык.
Ля праспекту людзі стаялі ў ланцугу паўгадзіны, пасля чаго разышліся. На дарозе паблізу ланцуга зламалася машына — яе адбуксавалі інспектары ДАІ.
Пасля акцыі засталіся чорныя стужкі на агароджы.
Жалобны ланцуг быў і ў Вілейцы:
Фота Настассі УТКІНАЙ.

ПАДОБНЫЯ АРТЫКУЛЫ