Фота ў рэдакцыю даслаў чытач.

Чытач «Рэгіянальнай газеты» падзяліўся лістом, які даслалі яму з савета грамадскага пункта аховы правапарадку аднаго з маладзечанскіх мікрараёнаў.

— Мне яго нават не ў скрыню кінулі, а ў дзверы кватэры запхалі, — расказаў нам чытач.

Магчыма, гэта звязана з парушэннем артыкула 23.34 КаАП.

Чытаць яшчэ: Міліцыя рэгіёна заклікала ўступаць у народныя дружыны. Разбіраемся, што такое дружына і дружыннікі

Ліст, які даслалі нашаму чытачу падпісаны Д.А. Ганчаром. Верагодна, гэта Дзмітры Аляксандравіч Ганчар — дырэктар тэрытарыяльнага цэнтра сацыяльнага абслугоўвання насельніцтва.

Пасяджэнне павінна адбыцца сёння, 26 лістапада ў 18:00, па адрасе вул. Францішка Скарыны 19. Там знаходзяцца крама па рамонце тэхнікі, крама насення і інтэрнат «Камунальніка».

Што такое савет грамадскага пункта аховы правапарадку

Саветы грамадскіх пунктаў — арганізацыйная форма аб’яднання намаганняў добраахвотных дружын, арганізацый і грамадзян у дзейнасці па ахове грамадскага парадку і прафілактыцы правапарушэнняў.

Рашэння аб стварэнні і скасаванні саветаў грамадскіх пунктаў, зацвярджэнні іх персанальнага складу прымаюцца адпаведнымі мясцовымі выканаўчымі і распарадчымі органамі. Саветы займаюцца вывучэннем стану правапарадку на тэрыторыі гэтага савету, каардынуюць працу асоб у савеце і інш.

Вядома, што на 2018 год у Маладзечанскім раёне працавалі 18 саветаў грамадскіх пунктаў аховы правапарадку.