Летась на святочным шэсці ў Вілейцы. Фота Настассі Уткінай.

Сёлета з-за неспрыяльнай эпідэміялагічнай абстаноўкі ў Вілейцы адмяняюць традыцыйнае шэсце Дзядоў Марозаў, расказаў карэспандэнту начальнік аддзела ідэалагічнай  працы, культуры і па справах моладзі Вілейскага райвыканкама Сяргей Паўлоўскі.

Па гэтай жа прычыне Дзед Мароз і Снягурка не будуць хадзіць з віншаваннямі па кватэрах.

Але зусім без святочных мерапрыемстваў вілейчукі не застануцца, адзначылі ў аддзеле.

У Палацы культуры пакажуць навагодняе прадстаўленне. А 1 студзеня, ад 1.00 да 3.00, на цэнтральнай плошчы ля навагодняй ялінкі ахвотных чакае канцэртная праграма, якую зладзяць мясцовыя артысты.

Ці будзе салют, пакуль невядома.

Нагадаем, што святочнае шэсце Дзядоў Марозаў штогод ладзілі ў Вілейцы ў апошнія дні снежня.