Фота nevasport.ru

Два гады таму 52-гадовы ашмянец уладкаваўся выкладаць цяжкую атлетыку ў мясцовую спортшколу. Але прадставіў дыплом Абхазскага ўніверсітэта, у якім не вучыўся, паведамляе УУС Гродна.

Маючы падазрэнні, міліцыя Ашмянаў накіравала ў тую навучальную ўстанову адпаведныя запыты. На іх прыйшоў адказ, што жыхар Ашмянаў там не вучыўся.

Аказалася, што праз знаёмых грамадзянін змог атрымаць дыплом з Абхазскага ўніверсітэта, не навучаючыся там. Дакумент быў сапраўдным, але ведаў і кваліфікацыі мужчына не меў, таму выкладаць спартыўныя дысцыпліны не мог.

Дзеянням мужчыны даюць прававую ацэнку.

 

• Текст доступен на языке: Русский