Фота Настассі УТКІНАЙ.

Міністэрства адукацыі выносіць на грамадскае абмеркаванне школьныя навучальныя планы.

Пакуль што ў 10-м класе школьнікі вывучаюць адну гадзіну на тыдзень чарчэнне, а ў 11-м класе — астраномію. Але чыноўнікі задумаліся, ці правільна гэта?

Усім ахвотным прапануюць выбраць паміж рознымі варыянтамі.

Чарчэнне можна па-ранейшаму вывучаць усім, можна вывучаць без выстаўлення ацэнак, а можна зрабіць факультатывам.

Астраномію можна пакінуць абавязковым прадметам, а можна зрабіць факультатывам.

Калі ж вызваліць месца ў раскладзе, то можна іх напоўніць адным з двух факультатываў.

Факультатыў «Этыка і псіхалогія сямейнага жыцця» прапануецца зрабіць альбо абавязковым, альбо вывучаць па жаданні школьніка і яго бацькоў.

Іншая ідэя — зрабіць абавязковым факультатыў «Асновы праваслаўнай культуры». Тут таксама ёсць некалькі варыянтаў — пачаць абавязковае вывучэнне ад трэцяга класа, пачаць абавязковае вывучэнне ад пятага класа альбо пакінуць права выбару школьніку і бацькам.

Сваё меркаванне можна даслаць на электронны адрас infominedu@unibel.by альбо праз тэлеграм-бот @MinEducat_bot (https://t.me/MinEducat_bot).

• Текст доступен на языке: Русский