Мы прапануем вам паглядзець лепшыя здымкі ад «Рэгіянальнай газеты» за 2020 год.

Збор подпісаў за альтэрнатыўных кандыдатаў

У пачатку лета пачаўся збор подпісаў за альтэрнатыўных кандыдатаў – Віктара Бабарыку, Валера Цапкалу, Святлану Ціханоўскую і іншых. У Маладзечне на Брадвеі былі вялікія чэргі, каб пакінуць подпіс за кандыдатаў.

Чытайце яшчэ: У Маладзечне стаялі больш за некалькі сотняў людзей у чэргах на пікеце (Шмат фота)

Чытайце яшчэ: Пад дажджом з парасонамі і ў масках. Маладзечанцы зноў стаялі ў чэргах, каб паставіць подпіс на пікеце (Фота)

Валер Цапкала ў Маладзечне

Валер Цапкала быў адзіным кандыдатам у кандыдаты, які прыехаў у Маладзечна падчас перадвыбарчай кампаніі. Тут ён заявіў, што за яго вылучэнне ў кандыдаты ў прэзідэнты аддалі подпісы 200 тысяч беларусаў.

Чытайце яшчэ: «Мы сабралі 200 тысяч подпісаў». Цапкала наведаў Маладзечна падчас каронавіруса

Затрыманне Бабарыкі

19 чэрвеня маладзечанцы сталі ў ланцуг салідарнасці на Вялікім Гасцінцы пасля затрымання Віктара і Эдуарда Бабарыкі. У выніку затрымалі Міколу Алейніка, а супраць двух маладзечанцаў – Паўла Пяскова і Уладзіслава Еўсцігнеева ўзбудзілі крымінальныя справы за супраціўленне амапаўцам. Пяскова асудзілі на 3 гады і 3 месяцы, Еўсцігнеева – на тры гады.

Чытайце яшчэ: «Ланцуг салідарнасці» ў Маладзечне. Як прайшла палітычная акцыя

Чытайце яшчэ: Чаму маладзечанцы выйшлі ў ланцуг салідарнасці (Відэа)

На гэтым здымку – амапавец Шыйко стаіць з пісталетам пасля сутычкі падчас ланцугу салідарнасці.

Мікола Алейнік – першы затрыманы падчас ланцуга салідарнасці

Затрыманага Міколу Алейніка падчас ланцуга салідарнасці трымалі ў ізалятары часовага ўтрымання тры дні, а пасля прысудзілі 15 сутак за ўдзел у несанкцыянаваным масавым мерапрыемстве і непадпарадкаванне амапаўцам. На фота – маці надзявае маску Міколу перад судовым пасяджэннем.

Чытайце яшчэ: Міколу Алейніку, затрыманаму на «ланцугу салідарнасці», далі 15 сутак

Нерэгістрацыя Бабарыкі і Цапкалы

14 ліпеня Цэнтрвыбаркам не зарэгістраваў Віктара Бабарыку і Валера Цапкалу ў якасці кандыдатаў на пост прэзідэнта Беларусі. У краіне, і ў Маладзечне ў прыватнасці, выйшлі людзі ў ланцугі салідарнасці. На фота ніжэй – жанчына з дзіцем стаіць насупраць супрацоўніка Маладзечанскага РАУС.

Трыумвірат у Смаргоні і Маладзечне

Вераніка Цапкала (штаб Цапкалы), Святлана Ціханоўская і Марыя Калеснікава (штаб Бабарыкі) прыязджалі напрыканцы ліпеня на мітынгі ў Смаргонь і Маладзечна. На мітынгах збіраліся некалькі тысяч чалавек.

Чытайце яшчэ: Смаргонцы сустрэліся з аб’яднаным штабам Ціханоўскай (Шмат фота)

Чытайце яшчэ: Як у Маладзечне сустракалі аб’яднаны штаб Ціханоўскай у каронавірус (Шмат фота)

Вераніка Цапкала, Святлана Ціханоўская і Марыя Калеснікава на мітынгу ў Смаргоні 31 ліпеня.
Мітынг аб’яднанага штаба ў Маладзечне 31 ліпеня.
Жанчыны з бальніцы здымаюць на мабільны тэлефон выступ Святланы Ціханоўскай.

Першы дзень пратэстаў

9 жніўня ў Беларусі прайшлі прэзідэнцкія выбары. Увечары ў гэты дзень на вуліцы беларускіх гарадоў выйшлі дэманстранты, якія не прызналі вынікі выбараў. Акцыі прайшлі і ў Маладзечне.

Чытайце яшчэ: Як прайшоў вечар пасля выбараў у Маладзечне

Мужчыны стаяць у счэпцы насупраць міліцыянераў на маладзечанскай плошчы 9 жніўня.
Дэманстранты запалілі ліхтарыкі на мабільных тэлефонах на акцыі 9 жніўня.

На акцыі 9 жніўня наш карэспандэнт сфатаграфаваў Мікіту Крыўцова, якога больш чым праз тыдзень знайшлі павешаным ў лесапарку ў Мінску.

Мікіта Крыўцоў.

Другі дзень пратэстаў

На наступны дзень, 10 жніўня, беларусы зноў выйшлі пратэставаць супраць фальсіфікацыі прэзідэнцкіх выбараў.

Чытайце яшчэ: Вайскоўцы з сабакамі, АМАП. Як прайшоў чарговы вечар на плошчы ў Маладзечне

Міліцыянеры затрымліваюць людзей каля Цэнтральнай плошчы 10 жніўня.
Мужчына размаўляе з вайскоўцаў на плошчы 10 жніўня. Перад вайскоўцамі на каленях стаяць людзі і просяць скласці шчыты.
Аляксей Кудзін пачас разгона акцыі 10 жніўня ў Маладзечне. Фота Настассі УТКІНАЙ.
Вайсковец падчас разгону пратэснай акцыі ў Маладзечне 10 жніўня. Фота Настассі УТКІНАЙ.
Людзі стаяць на каленях перад вайскоўцамі на маладзечанскай плошчы 10 жніўня.

Маладзечанкі

12 жніўня маладзечанкі выйшлі да царквы з кветкамі. Гэта была першая акцыя супраць гвалту.

Кветкі каля царквы.

Збіццё ў Лебедзеве

Апоўдні 12 жніўня людзі ў Лебедзева неслі зварот аб спыненні гвалту да старшыні сельвыканкама. Калі яны ішлі са зваротам, то побач спыніўся мікрааўтобус, з якога выбеглі амапаўцы і пачалі збіваць мужчын. Іх затрымалі, а пасля асудзілі па артыкуле 23.34 КаАП удзел у несанкцыянаваным масавым мерапрыемстве.

Чытайце яшчэ: Сёння ў Лебедзеве АМАП затрымліваў і збіваў жыхароў, якія неслі калектыўную заяву ў сельвыканкам

Акцыі, шэсці і мітынгі пад бел-чырвона-белымі сцягамі

Пасля сілавых разгонаў у першыя поствыбарчыя дні на вуліцы выйшлі беларускія жанчыны з кветкамі, а затым пачалі збірацца вялікія шматтысячныя шэсці і мітынгі. Публікуем лепшыя здымкі гэтых падзей.

Маленькія дзяўчынкі бегаюць пад вялікім бел-чырвона-белым сцягам.
Дачка славутага гісторыка Міколы Ермаловіча Алена на мітынгу ў жніўні 2020 года. Кажуць, што ў яе захаваўся бел-чырвона-белы сцяг, які знялі пасля рэферэндума 1995 года з Маладзечанскага райвыканкама.
Прадстаўніцы Жаночай салідарнасці ў Маладзечне ідуць жалобным шэсцем па Вялікім Гасцінцы.

Мітынгі за дзеючую ўладу

Праз два тыдні пасля разгонаў акцый у Беларусі пачалі праходзіць акцыі «За Беларусь». На іх выступалі чыноўнікі, вайскоўцы. Адзін з такіх мітынгаў прайшоў у Маладзечне 20 жніўня. Да людзей упершыню вайшаў старшыня Маладзечанскага райвыканкама Юры Горлаў. Перыметр патрулявалі супрацоўнікі міліцыі.

Чытайце яшчэ: Як у Маладзечне прайшла акцыя «За Беларусь!»

Пахаванне Мікіты Крыўцова

Напрыканцы жніўня ў мінскім лесапарку знайшлі загінулым Мікіту Крыўцова. Ён удзельнічаў у пратэсных акцыях і быў заўзятарам маладзечанскага футбольнага клуба. Сваякі і блізкія Мікіты не вераць, што ён павешаўся.

На пахаванне прыйшлі некалькі сотняў людзей. Труну неслі пад бел-чырвона-белым сцягам.

Чытайце яшчэ: У Маладзечне развітваюцца з Мікітам Крыўцовым (Фота, відэа)

На труне – бел-чырвона-белы сцяг. Труну неслі на руках увесь шлях да могілак.
Маці і жонка Мікіты Крыўцова.
Бабуля Мікіты Крыўцова. 
Бацька Мікіты Крыўцова трымае бел-чырвона-белы сцяг, пад якім неслі труну.

Суд на Пясковым і Еўсцігнеевым

У верасні прайшоў суд над Паўлам Пясковым і Уладзіславам Еўсцігнеевым. Іх абвінавачвалі ў супраціўленне амапацаўцам падчас ланцуга салідарнасці 19 чэрвеня. Пяскова і Еўсцігнеева суддзя Вікторыя Паляшчук прызнала вінаватымі. Пяскову далі 3 гады і 3 месяцы ў выпраўленчай калоніі, Еўсцігнееву – тры гады. Маладзечанцаў прызналі палітвязнямі.

Чытайце яшчэ: У Маладзечне агучылі прыгавор па справе гвалту над амапаўцамі. Еўсцягнееву – 3 гады, Пяскову – 3,3 (Фота, відэа)

Уладзіслава Еўсцігнеева выводзяць з залі судовага пасяджэння пасля аб’яўлення прысуду.
Павел Пяскоў пасля аб’яўлення прысуду.

Смерць Рамана Бандарэнкі

У лістападзе ў адным з мінскіх двароў, які называюць Плошчай перамен, невядомыя збілі Рамана Бандарэнку. Яго даставілі ў мясцовы РАУС, а адтуль адвезлі ў рэанімацыю. На наступны дзень хлопец памёр. З-за гэтага па ўсёй Беларусі пачаліся жалобныя акцыі, а ў бліжэйшую нядзелю на шэсце ў Маладзечне выйшлі некалькі сотняў чалавек. Гэта акцыя ў Маладзечне стала самай масавай за апошнія месяцы.

Чытайце яшчэ: Сёння маладзечанцы стаялі ў жалобных ланцугах. Так ушаноўвалі памяць Рамана Бандарэнкі (Фота)

Чытайце яшчэ: «Дзе нашы амонаўцы? Чаму не забяруць?». Жанчыны аблаялі жалобны ланцуг у Маладзечне (Відэа)

Чытайце яшчэ: «Забойцы!» Маладзечанцы прайшлі шэсцем па горадзе, памаліліся ля помніка пакутнікам