Фота rg.ru.

Цана на расейскі прыродны газ для Беларусі на 2021 год складзе 128,5 долараў за тысячу кубаметраў — такую цану назваў Аляксандр Лукашэнка. «128,5 (долара). Але я акругляю, 130», — сказаў Лукашэнка ў інтэрв’ю для расійскага тэлеканала, перадае РІА «Новости».

У канцы снежня 2020 года «Газпром» паведаміў, што кіраўнік кампаніі Аляксей Мілер і беларускі міністр энергетыкі Віктар Каранкевіч у Санкт-Пецярбургу падпісалі пратакол аб парадку фарміравання цэн пры пастаўцы газу ў рэспубліку ў 2021 годзе. Пры гэтым цана паставак газу ў краіну ў паведамленні расейскай кампаніі пазначаная не была. Пазней Мінэнерга Беларусі ўдакладніла, што яна будзе практычна на ўзроўні 2020 года, у той жа час канкрэтную велічыню ведамства таксама не назвала.

Цана на пастаўку расійскага газу для Мінска ў 2020 годзе складала 127 долараў за тысячу кубаметраў, хоць беларускі бок настойваў на яе зніжэнні.

• Текст доступен на языке: Русский