Скрыншот МУС Беларусі.

Прэс-служба МУС паведаміла, што 14 лютага ў вёсцы Лешна на Маладзечаншчыне затрымалі 19 чалавек. 

У Маладзечанскі РАУС паведамілі з філіяла «Мінскэнерга» пра тое, што ля падстанцыі ў вёсцы Лешна сабраўся натоўп. Заяўнікі не выключалі магчымасць пашкоджання высокавольтных ЛЭП.

На месца прыехалі супрацоўнікі міліцыі. Там яны пабачылі несанкцыянаваны мітынг. У людзей знайшлі бел-чырвона-белую сімволіку – сцягі і банэры, балончык з чырвонай фарбай, дымавую шашку.

Затрымалі 11 жанчын і 8 мужчын. Усе – маладзечанцы.

Прэс-служба МУС паведаміла, што двое мужчын пры затрыманні аказалі непадпарадкаванне. Адзін мужчына быў у стане алкагольнага ап’янення – гэта паказала медагляд.

Па інфармацыі праваабаронца Алеся Капуцкага, усе яны застаюцца да суда ў ізалятары часовага ўтрымання. Па інфармацыі «Рэгіянальнай газеты» затрыманыя:

  • Алеся Буневіч;
  • Паліна Ярашэвіч;
  • Таццяна Гейнрых;
  • Кірыл Кузняцоў;
  • Вольга Квасава;
  • Надзея Смірнова;
  • Наталля Краскоўская;
  • Жанна Пілючонак;
  • Тамара Сіняўская;

Імёны астатніх затрыманых высветляем.