Гэтая спрэчка адвеку: выкручваць ці зразаць грыбы? Міколагі шмат разоў мянялі думку наконт гэтага. А што навука думае пра гэта цяпер? Піша Наша Ніва.

Логіка тут такая. Трэба старацца рабіць так, каб грыбніца не разразалася, не рвалася і высыхала.

Таму лепш грыбы акуратна выкручваць. Калі асцярожна зразаць вострым ножыкам — то без размаху, каб не пераразаць грыбніцы вакол грыба.

І старайцеся акуратна прыкрыць месца, дзе рос грыб, нібы прыхлопнуўшы, прыгладзіўшы мох ці ігліцу. Так, каб і знаку, што тут рос грыб, не заставалася.

Акрамя таго, памятайце, што сыраежкі, белыя грузды і печаркі адрозніваюцца ад паганак нязначна. Калі зразаць іх, большая небяспека памыліцца. Лепш добра глядзець на ножкі.

Але самы страшны грэх — калі грыбнікі, угледзеўшы адзін грыб, разграбаюць усё вакол у пошуках іншых. Гэта проста пагром грыбніцы. Калі вы разграбяце мох ці ігліцу, грыбніца на гэтым месцы высахне і надоўга перастане даваць грыбы.

Капялюшык грыба – амаль на ўсё вядро. Чытачка дзеліцца фотаздымкамі лясных знаходак

Не грыб, а грыбішча. Маладзечанец знайшоў баравік вагой адзін кілаграм і чатырыста грамаў

• Текст доступен на языке: Русский