Траса для мотакросу, якая знаходзіцца на заходняй мяжы горада, чакала беларускіх, літоўскіх і нямецкіх спартоўцаў. У спаборніцтвах удзельнічалі 10 класаў матацыклаў з аб’ёмам рухавіка 50, 65, 85, 125, да 500 кубічных сантыметраў, матацыклы з каляскай, класы «Міні», «Юніёр», «Нацыянал», «Хобі».

У фінальным заездзе, які прайшоў 12 ліпеня, вызначыліся пераможцы, сярод якіх — пяцёра ашмянцаў. Так, у класе матацыклаў «Хобі» першае месца заняў Аляксандр Гіруць, другое — Юры Лапух (СТК «Фаварыт»). Чатыры ўзнагароды атрымалі ўдзельнікі з ашмянскай СДЮСШ. Яўген Сарбізянаў перамог у класе матацыклаў «85 см/куб», а Сяргей Сарбізянаў «узяў» другое месца ў класе «125 см/куб». У класе матацыклаў «Нацыянал» перамога дасталася Міхаілу Сергеюку.

Святлана СТАНКЕВІЧ.