Вілейская дзіцяча-юнацкая спартыўная школа адзначае 18-19 верасня адзначыла свой паўвекавы юбілей.

У праграме былі спаборніцтвы па акрабатыцы, скачках на дарожцы і батуце, урачыстая вечарына ў Доме культуры.

Спартшкола была створаная ў 1959 годзе. Яе першым кіраўніком быў выпускнік інстытута фізкультуры малады спецыяліст Віктар Чакалаў, які змог захапіць вілейскіх хлопчыкаў і дзяўчынак акрабатыкай.
Сёння Вілейка – адзіны ў Мінскай вобласці горад, дзе «прапісаны» гэты від спорту – «галоўны» і для Вілейкі, і для спартшколы.

Цяпер у спартшколе займаецца больш за 300 юных Віляйчан. І не толькі акрабатыкай, скачкамі на дарожцы і батуце, а і плаваннем, баскетболам, каратэ… Выхаванцы школы неаднаразова прадстаўлялі горад і раён не толькі на абласных, але і на нацыянальных, міжнародных спаборніцтвах. Станавіліся пераможцамі іх і прызёрамі.

На юбілейныя дні ў Вілейку прыехалі спартсмены з Наваполацка, Баранавічаў, Мінска. Свае віншаванні даслалі акрабаты Літвы з горада Вісагінас. Прыбыў з Валгаграда і заснавальнік спартшколы Віктар Чакалаў. На вечарыне ў Доме культуры ў адрас спартсменаў прагучалі віншаванні ад мясцовых уладаў, спартыўных чыноўнікаў са сталіцы. Адны спонсары падаравалі школе новы батут, іншыя паабяцалі у хуткім часе яшчэ адзін ўласнай вытворчасці.

Мікола ГАЙДУК.

Пра вынікі юбілейных спартыўных спаборніцтваў чытайце ў пятнічным нумары “РГ” ад 25 верасня.

Яшчэ на гэту тэму.

Рэдакцыя размяшчае фотарэпартаж са свята.

Адна з мацнейшых мужчынскіх чацвёрак Беларусі - віляйчане. Ніжняя пара: злева - Уладзімір Белачуб, справа - Канстанцін Агіевіч. Вышэй - Яўген Чарнецкі і Раман Семянковіч.

Адна з мацнейшых мужчынскіх чацвёрак Беларусі – віляйчане. Ніжняя пара: злева – Уладзімір Белачуб, справа – Канстанцін Агіевіч. Вышэй – Яўген Чарнецкі і Раман Семянковіч.

Спаборніцтвы юбілейныя, але рашэнні суддзяў - самыя строгія.

Спаборніцтвы юбілейныя, але рашэнні суддзяў – самыя строгія.

Хутка на выхад. Юныя вілейскія акрабаты Саша Дземідовіч (злева) і Віця Дуровіч.

Ветэран спартыўнага руху на Вілейшчыне Мікалай Баёў (злева) з цяперашнім дырэктарам спартшколы Сяргеем Гатауліным.

За сябровак хварэе Даша Ражко.

За сябровак хварэе Даша Ражко.

Майстры спорту па акрабатыцы, трэнер, суддзя першай катэгорыі Таццяна Літвіновіч і яе выхаванка Аўгіня Манцэвіч.

Майстры спорту па акрабатыцы, трэнер, суддзя першай катэгорыі Таццяна Літвіновіч і яе выхаванка Аўгіня Манцэвіч.

У глядзельнай зале Вілейскага ДК. Урачысты канцэрт пачынаецца.

У глядзельнай зале Вілейскага ДК. Урачысты канцэрт пачынаецца.

Заснавальнік спартыўнай школы ў Вілейцы Віктар Чакалаў (справа) спецыяльна прыехаў на юбілей з далёкага расійскага Валгаграда. Злева -- яго вучань трэнер спартшколы Пётр Зайцаў.

Заснавальнік спартыўнай школы ў Вілейцы Віктар Чакалаў (справа) спецыяльна прыехаў на юбілей з далёкага расійскага Валгаграда. Злева — яго вучань трэнер спартшколы Пётр Зайцаў.

Адзін з першых майстроў спорту ў Вілейцы Аляксей Камінскі.

Адзін з першых майстроў спорту ў Вілейцы Аляксей Камінскі.

Акрабатыка - “галоўны” від спорту для Вілейшчыны. Але апошнія гады тут паспяхова развіваюцца баскетбол, плаванне, баявыя віды. Паказальнае выступленне каратыстаў спартыўнага клуба “Дзяржынец”. Кіраўнік клуба - Сяргей Кірыевіч.

Акрабатыка – “галоўны” від спорту для Вілейшчыны. Але апошнія гады тут паспяхова развіваюцца баскетбол, плаванне, баявыя віды. Паказальнае выступленне каратыстаў спартыўнага клуба “Дзяржынец”. Кіраўнік клуба – Сяргей Кірыевіч.

У вячэрняй праграме свята 18 верасня, што прайшла ў Палацы культуры, выступалі артысты Вілейкі. Калектыў Элегія пад кіраўніцтвам Таццяны Захарыч зрабіў музычны падарунак спартсменам.

У вячэрняй праграме свята 18 верасня, што прайшла ў Палацы культуры, выступалі артысты Вілейкі. Калектыў Элегія пад кіраўніцтвам Таццяны Захарыч зрабіў музычны падарунак спартсменам.

Здымак на памяць. Пасля урачыстага канцэрта на сцэне ДК сабраліся былыя выпускнікі школы і іх трэнеры.

Здымак на памяць. Пасля урачыстага канцэрта на сцэне ДК сабраліся былыя выпускнікі школы і іх трэнеры.

Мікола ГАЙДУК.

Фота Аляксандра МАНЦЭВІЧА.