У сядзібе Агінскага ў Залессі 24 ліпеня адбудзецца танцавальнае вясковае свята з элементамі гістарычнай стылізацыі, арганізаванае моладзевым грамадскім аб’яднаннем “Гісторыка”.

Каля альтанкі Амеліі а 16 гадзіне размесцяцца музыкі на народных беларускіх інструментах, сярод якіх будзе дудар Алесь Лось. Прысутныя могуць танцаваць ці проста слухаць народную музыку. Як сказаў кіраўнік аб’яднання “Гісторыка” Зміцер Рагачоў, народныя строі гасцей не абавязковыя, але вельмі вітаюцца.

Зоя ХРУЦКАЯ.