Падрыхтоўка да свята.

Заходзьце, госці дарагія!

На адкрыцці свята выступае намеснік старшыні Смаргонскага райвыканкама Аляксандр Вярсоцкі.

Сёння ў мястэчку гасцей і сяброў сустракалі на сямі падворках: арганізацыі “Сяльчанка”, “Жыць здорава!” Залескай амбулаторыі, “Шутавіцкія прысмакі” жыхароў Шутавічаў, “На хатку немаўлятку”, “Пачастунак”, дзе гаспадарыла Людміла Гружэўская, “Карчма “Агінец”, падрыхтаваная моладдзю, і “Казачная паляна” Залескага цэнтральнага дома культуры.

Там за тысячу-дзве рублёў можна было купіць бліны з рознай начынкай, вафлі, грыбы, рагалікі і іншую выпечку залескіх гаспадыняў. Пачаставацца наліўкамі, настойкамі, квасам. Прадаваліся таксама цукровыя пеўні, дранікі, бутэрброды з салам. Супрацоўнікі Залескай амбулаторыі адкрылі фітабар з квасам, травянымі настоямі і чаямі. Побач працавала “аптэка”, дзе былі “лекі” ад мярцвення канечнасцяў, “ад удаўленія”, ад усіх хваробаў, “для кахання” і іншыя.

Падворак “Пачастунак”.

Пад’язджаюць гаспадары падворка “На хатку немаўлятку”.

Меню “Карчмы “Агінец”.

“Сала” ў меню не было пазначана.

Цукровыя пеўні і язэпаўка на падворку “На хатку немаўлятку”.

Фітабар.

Старшыня Залескага сельсавета Зянон Грышкевіч (у фартуху).

На сцэне – фальклорна-этнаграфічны калектыў “Кірмаш” з Масквы.

Танцаваць не забаранялася. Спявае этнаграфічны ансамбль “Цаглінкі” з Польшчы.

Як і на іншых святах, свае вырабы прадавалі народныя майстры, прадпрымальнікі – цацкі, працавалі атракцыёны для дзяцей.

Напрыканцы фестывалю старшыня сельсавета Зянон Грышкевіч адзначыў гаспадароў дамоў узорнай культуры Залесся, а таксама тых, хто ладзіў падворкі для кірмашу.

Гаспадыня аднаго з дамоў узорнай культуры Валянціна Маркевіч.

Святлана ЦІШКО.

Фота Святланы ЦІШКО.