Удзельнікі павінны былі зрабіць здымкі на тры тэмы: “Горад сёння”, “Быць у стылі” і “Еўропа, мы свае”. Восем гадзін на выкананне. Розныя гарады. Розныя ўмовы. І абсалютна розныя каманды.

У выніку – 144 фота з усіх куткоў краіны. Адна каманда сыйшла з дыстанцыі.

Фота каманды «ПраЖУЖЭктар» з серыі «Горад сёння».

«Нас пазабавіла гэтая тусоўка ў гарадскім парку. Людзям ужо за 40, а ў душы яны, відаць, яшчэ падлеткі.»

«У Маладзечне яшчэ засталіся інтэрнаты, дзе ніколі не зачыняюцца дзверы, а дзеці гадуюцца нібы ў адной сям’і. На фота — звычайны суботні дзень у адным з іх.»

 «Папулярнае сярод тыповых маладзечанскіх парачак месца».

Каб трапіць у тройку пераможцаў, маладзечанцам давялося пабегаць пад дажджом і палазіць у розных нязручных месцах. На некалькі пытанняў ад “РГ” адказала капітан каманды «ПраЖУЖЭктар» Кацярынай Рысік:

— Кэці, калі было найбольш складана?

— Вельмі цяжка было, калі пайшоў дождж. Ад гэтага мяняліся і якасць здымкаў, і настрой каманды. Нехта з нас яшчэ казаў «за гэтыя траблы мы павінны нешта заняць!»

— А дзе вас напаткала паведамленне аб тым, што вы занялі трэцяе месца ў конкурсе?

— Я была ў школе. Навіну мне паведамілі самі арганізатары па тэлефоне.

— Каму вы расказалі пра вашу перамогу?

— Сябрам ды бацькам. Першыя сказалі: “О, ну вы крутыя!”, а мама: “Не дарма я вас падвозіла на сваёй машыне!”

Серыя «Быць у стылі».

У кожным узросце ў нас розны стыль жыцця. У дзяцінстве мы рухаемся у той бок, дзе больш цікава.

«Маладосць не можа абыйсціся без вострых уражанняў».

» А ў сталасці мы займаемся простымі рэчамі. Напрыклад, вырошчваем радыскі.»

Серыя «Еўропа, мы свае!»

«Беларусь — дзіця Еўропы».

 

 «Мы свае, калі адкінуць краты?»

«Калі мы зробім першы крок?»

Image 10752

Image 10752

На сайце www.3sektar.by удзельнікі падзяліліся сваімі ўражаннямі пасля спаборніцтва:

 “Гарадзенскія вочкі” (Гродна):

«Спачатку спужалі тэмы, але развагі за піццай і кавай далі плён. За гадзіну мы распланавалі ідэі і іх рэалізацыю. Гуляючы па вуліцах, кожны ўважліва шукаў сюжэты і прапаноўваў. За дзень вельмі стаміліся. Бачылі каманду супернікаў. Папілі гарбаты і паехалі дамоў адпраўляць здымкі».

 “Cheese по-слуцки” (Слуцк):

Вікторыя Макарава: «Атрымала вялікае задавальненне і досвед. Да праекта трошкі саромелася здымаць мінакоў, але зараз разумею, што дарма. Спадабалася працаваць у камандзе, але было цяжка выбіраць здымкі. Ішлі на кампраміс».

ВЕДА” ( Брэст):

«Заданні спачатку падаліся лёгкавыканальнымі, але потым над галавой з’явіліся хмаркі і планы прыйшлося змяніць. Думаю, калі б надвор’е было лепшым, то вынікі парадвалі б больш».

Цэрэмонія ўзнагароджання пераможцаў пройдзе ў гэтую нядзелю, 27 траўня, у Гародні.

Ягор Піліпчык.