Такое рашэнне выклікала надзвычайная колькасць пажараў, якія паспелі адбыцца ў гэтым годзе.

З заўтрашняга дня супрацоўнікі Маладзечанскага гаррайаддзела па надзвычайных сітуацыях будуць правяраць прыватныя дамы ў горадзе і раёне. Такую акцыю прануюць праводзіць да 20 сакавіка, каб у межах яе папярэдзіць выпадкі пажараў.

Гэтае рашэнне агучыў начальнік Маладзечанскага гаррайаддзела па надзвычайных сітуацыях Вячаслаў Грынь падчас чарговай сесіі раённага Савета дэпутатаў, якая адбылася сёння, 25 студзеня. Рашэнне падтрымалі.

– Асаблівую трывогу выклікае тое, што павялічылася колькасць пажараў, у якіх гінуць невінаватыя людзі, – падкрэсліў старшыня Маладзечанскага райвыканкама Фёдар Дамаценка.

Справай аб пажары ў Хоўхлава, які адбыўся апоўдні 22 студзеня, цяпер займаецца Следчы камітэт.

У той дзень пяцігадовы хлопчык застаўся адзін дома. Гаспадар замкнуў дзверы, пакінуўшы яго аднаго. Пачаўся пажар. Выратавальнікі знайшлі цела хлопчыка на парозе, што сведчыць аб тым, што ён мог выйсці з палаючыга дома, калі дзверы не былі б замкнёныя.

Мяркуецца, што прычына пажару – дзіцячыя гульні з агнём.

У маразы шмат пажараў. Будзьце пільныя!

У Куранцы на пажары бацька загінуў, а дачка паспела выратавацца

З-за пажару трапіў у рэанімацыю

Маладая жанчына загінула ў пажары

Пажар мог забраць жыцці двух хлопчыкаў