Рэзкія перапады тэмпературы, галалёд, а таксама снег, ператвораны ў кашу, вельмі небяспечныя для людзей. Таму неабходна быць асцярожнымі пры хадзьбе.

Ад пачатку зімы ніякага павышанага падзення і траўматызму ў Ашмянах няма.

– У нас на лёдзе падае не шмат людзей – кажа доктар-хірург Ашмянскай раённай бальніцы Андрэй Хаванскі. – Калі параўноўваць, то летам людзі атрымліваюць траўмаў у пяць разоў больш.

– Эпідэміі траўматызму няма, – працягвае з жартам хірург Андрэй. – Узімку больш падаюць, але не з-за таго, што слізка, а з-за бардзюраў або прыступак.

Ад 9 лістапада да 30 студзеня ў Ашмянах атрымалі траўму 96 дарослых і шэсць дзяцей.  З іх – 42 пераломы.

За зімовы перыяд у ашмянскую бальніцу паступіў адзін чалавек з абмаражэннем і адзін – з пераахаладжэннем.

Вольга ЮРКЕВІЧ.